Hi meeting hi Pu Joseph R Hmar, President, Hmar Input, GHQ keihruoina hnuoia nei niin, hun hmasa tieng Upa J. Lalchhanhima, Vice President, Hmar Inpui, GHQ in Pathien kuoma ṭawngṭaina a neia, meeting ṭan a nih. Pu Francis Songate, General Secretary, Hmar Inpui, GHQ le Pu Joseph Lalrothang haiin 10-12 January, 2020 sunga Zampui Tlang, Vanghmun khuoa huoihawt Zo Kutpuia Hmar lnpui palai hai an va thangna report an peka bakah Constitution Review Committee Chairman Pu Joseph Lalrothang in review draft an ziek hai meeting a ṭhanghai lai a phawrlang bawk a nih.
Hmar Inpui Finance Committee Chairman Pu Dr. Saidokhum Joute chun Finance tieng panga hmalak dan ding riruonga umhai tarlangna a neia, palai fekhawm haiin thu dang dang an chai zo hnungin Resolution 2 an passed.
Resolution an passed laia pakhat chu Executive Meeting a vawi 26-na, October 5, 2019 a rela lo um tah Inpumkhatna Dinga Hmalatu Pawl (Joint Monitoring Group) ni 90 sunga dinga lo siem chu siem danglam a lo hun nawk ta leiin Hmar Inpui GHQ President le General Secretary inrawinaa proposal an siem dungzuiin Hmar Inpui GHQ Assembly 2020 nei hma poa tlawmngaia lo chel dingin hieng a hnuoia hai hi lungruol takin an ruot;
Convenor: Rev. Dr. V LaInghakthang
Members:
1. Pu Kenneth Lalhrietzing
2. Pu Immanuel Pulamte.
Resolution pahnina a chun Hmar lnpui Secretariat hai term a tawp tah leiin Assembly koa inthlangna nei dingin thurawn pek than an ti a, Assembly neina ding hun le hmun chu Pu Joseph R Hmar, President Hmar Input GHQ kutah an sie bawk a nih.
