Responsive Ad Slot

ELECTRIC MEIVAR NGIETIN NUORNA SUKLANG

Tuesday, January 28, 2020

/ Published by VIRTHLI
Rovakot, January 28, 2020, Virthli (ONP): Vawisun Tuolbuol ni 28 hin Rovakot mipui chun, electric meivar an la hmu naw zing leia an nuor thusim, lam hrawna neiin an suklang. Tipaimukh biel khuo ṭhenkhat chun electric meivar hi sit ta hai sien khawm, a la hmu phak naw khuo iemani zat an um a. Bieltu MLA chun kum 2018 Christmas hmaa a var hman ding thu le, MSPDCL hotuhai ṭhuoia hma a lak ding thu a hrilhai chu, favai dura inzun ang chau a ni tah leiin, thuneitu insang lemhai na a dêng theina dingin lungawi nawna an suklang tah a nih.

Tuolbuol ni 27 khan hi thu lei bawk hin Lungthulien le Senvon mipui chun an khawsung ve veah lungawi nawna an lo suklang ta bawk. Hieng mipui hmalakna hi ṭawng dang chanchinbuhaiah khawm insuo a ni tawl a. Thuneituhaiin mipui chanvo sukchingpentuhai hi an hung zilhâu ngei nuom a um.

Ei hriet tah angin, Hmarbiela Electric ban phuna um le a hrui keizama umhai hi 10th Plan-a mi a nih a.10th Plan a tawp tah a, 11th Plan an ṭan rak tah khawmin mei a la var naw zing hi mipui lung a awi naw a. Thuneituhai kuomah repawt pek ni raw seh, Thil indiknaw thawtu contractor hi dan angin hrem ni raw seh, tiin mipui an khêk a nih.

Electric ban an phun tahai khawm Rovakot rama mi a tlu a um nuol tah a, a tlu vâng vâng khawm a tam hle. Hnuoi sûnga a tlum chen ding tlum lo deu vawng a ni leiin, sietna intluntu la ni thei ding khawmin a’n lang a. A ban nghet nawhai po po khawm thuomá¹­hat a pawimaw hle bawk.

Chun, Senvon lampui a’nthawka Rovakot khuo tlung dinga lampui Package No. MN03172 Phase XI, T01 (NH-150) to Rovakot  chu Nov. 27th 2018 khan á¹­an a ni a. Dan anga zo hun ding chu 26th May, 2020 niin, zo hun ding a tlung á¹­ep tah khawma á¹­iel raka la um hih mipui lung a awi naw a. Hi lampui sanction-tu, Rural Ministry, Govt. of India kuoma intlun dingin hma lâk mêk a nih.

Rural Ministry, Govt. of India chun Manipur sûnga PMGSY lampuihai enkaitu dingin Manipur State Rural Roads Development Agency (MSRRDA) a hmang a. MSRRDA Chief Engineer kuomah khawm intlun dinga ti a nih.
Don't Miss
© all rights reserved
made with by Simon L Infimate