Responsive Ad Slot

Kofi Nite huoihawt ding, Hmar hlasakthiem inlar hai inlang an tih

Saturday, December 28, 2019

/ Posted by Simon L Infimate
CCPur, December 28, 2019 (HT): Hungtlung ding January 03, 2020 zan dar 6 PM khin Rengkai EAC KṬP chun Rengkai EAC Campus, Bible Hill-ah Kofi Nite huoihawt an tih. Hi huna hin Tuiṭhaphai biel sunga hlasakthiem inlar tak tak mimal le band hieng Lalparzo Sanate, Lorinda Varte, Melody Varte, Mercy Lalumpui, Enchimlo, Salma, Joshua Buhril, PCL Thuoma, Jajai Singsit, Serafim Voices, SEMIKAH Band, Deborah Lalnunthieng, Esther Lalṭhazo le Hmar artiste chul thei lo, Mizoram tienga mi lo um san tah Pi Lalruotmawi ha’n hla sak an tih. Kofi Nite coupon chi hni - Rs. 100 man le special coupon a man bituk um lo, rawngbawlna dinga an inphal tawk pei pek thei dinghai siem niin Coupon pangngai hin coffee pakhat a sawm sa a, special coupon hin refreshment ṭhalem a phur sa bawk niin huoihawttuhaiin an hril.

Hi huna a hlawk hmuhai chu Missionary fund le plot project a hmang ding a ni a, hi le inzawmin, mi tukhawmin rawngbawlna a ngaia ṭhang seng dingin Kofi Nite organiser hai chun fielna an siem a. Coupon hi Virus Computer (Prop: Dara Ralsun), Vengpui, Rengkai kuomah iengtiklai khawm hmu thei a ni a, chun, January 03, 2020 zan khawmin a hmuna lak nghal thei ni bawk a tih tiin an hril


Don't Miss
© all rights reserved
made with by Simon L Infimate