Responsive Ad Slot

ICI 70th General Assemby hmang zo

Sunday, December 8, 2019

/ Published by Simon L Infimate
Sielmat, December 8, 2019, Virthli (ONP): Independent Church of India (ICI) in “SUOL DO" (Hebrai 12:4) ti thupuia hmanga December 4-8, 2019 hun sunga Roberts Jubilee Chapel, Sielmat -a General Assembly a vawi 70-na an hmang chu vawizan khan hmang zo a lo ni tah . Hi huna hin Presbytery hran hran a'nthawkin Palai mi 227 fekhawmin December 4- 7, 2019 hun sung khan Council Hall ah 157th Executive Council , 70th General Assembly Session le 158th Executive Council Session nei niin ro chi tum tum rel a nih.

December 5, 2019 zan inkhawm huna Rev. Dr. J.L. Songate, Executive Secretary, ICI in lawmlutna thucha hrilna a nei a, Upa Dr. H.L. Liensang, Moderator, ICI in kum 2020 a Kum Thupui hawngna le Pathien kuoma inhlanna hunser a hmang a . December 8, zan inkhawm hunah Out-going Moderator -Upa Dr. H. L. Liensang in Incoming Moderator - Upa Dr. Zawlthanglien Changsan kuomah charge inhlanna neiin Rev. Lalnghillo Thiek, P/S, Jiribam Presbytery in Moderator- Upa Dr. Zawlthanglieng Changsan le Vice-Moderator- Rev. S.K. Songate hai tawngtaipekna a nei.

General Assembly hmang ani huna hin Rev. Lalhmingthang, Secretary, Ministries, ICI in Ordination service hunser a hmang a, Pro Pastor H. Lalhmunsiama le Pro Pastor R. Laltanpuia hai chu Pastor dingin Ordination pek an nih , General Assembly Secretary in Pensioners hai inhmelhrietna le Pension Service hunser a hmang a, hi huna hin thawktu- Rev. H. Chungthang Thiek, Evangelist at Large, Rev. Jaya Kumar, Principal, SBC, Pastor Lalthangkung, Evan. L. Atom Kom, Missionary, Upa J. Tlura, Teacher, Upa Hmangneikam, Office Clerk, le Evan. K. Angam, Missionary hai chu pension pek niin an rawngbawlna a hai thang an suo leiin chawimawina Thangsuopuon insiltir an ni a, Upa Dr. H.L. Liensang, Moderator in tawngtaipekna a nei a . Hi hunser a hin Sarepta Foundation a Patron Member thar le Chief Patron Member thar hai kuomah chawimawina thilpek inhlan an ni a. Hi huna hin Assembly Musical Society chun Hla Kungpui- Pu. Solomon V. Hmar kuomah Chawimawina thilpek inhlanna an nei a, Solfa tienga Intermediate zo thar, ICI Central Choir member ni bawk- Tv. Buonthasang kuomah certificate inhlanna an nei bawk.

General Assembly hmang ani sung hin Rev. Michael Z. Zote, Academic Dean, SBC, Rev. B.L. Sandam, Secretary, Finance, ICI, Rev. H. Chungthang Thiek, Evangelist at Large, Rev.Lalramlawm Inbuon, Evangelist at Large le Upa Dr. H.L. Liensang, Moderator hai anthawkin Pathien thucha ropui tak tak el ngaithlak a nih a. Assembly huna hin ICI Central Choir, NPT Choir, Bethesda Choir le Tuithaphai Presbytery sunga khawtin a Kristien Thalai Pawl han inpakna hla sakin hlaa rawngbawlna an nei hlak. 

Don't Miss
© all rights reserved
made with by Simon L Infimate