Responsive Ad Slot

GOSPEL MUSIC VAGANZA CONCERT hlimtlang takin hmang

Tuesday, December 3, 2019

/ Posted by Simon L Infimate
Tuiṭhaphai, December 3, 2019, Virthli (ONP):  Khawmawi ICI KṬP in  an YOUTH MINISTRY suklienna ding le inzawma GOSPEL MUSIC VAGANZA 2019 a huoihawt chu vawizan 5:30PM khan Khawmawi ICI Biekin Campus hlimtlang takin hmang a nih. Hung hawng tawngtaina Upa H.T Vela, Local Chairman in a nei zoin Pu Simon Barjona Hmar, Vice-Chairman, Khawmawi ICI KTP in lawmlutna thucha le Youth Ministry a thil tum hai hrilna hun a hmang. Hi huna hin Tv. Elvis Infimate, Secretary, Khawmawi ICI KTP le Pu Fimchawisang, KTP Chairman han artiste hai chawimawina thilpek inhlanna hun an nei a, hi concert co- sponser - Rural Women Uplifment Society (RWUS) hai a'nthawk ' Environment ' ti thupuia hmangin thuhril tawi ngaithlak a nih.

Hi huna hin Guest Artiste: PBK Liankhuma , Quilyn Lalrovel, Hoineilam Haokip, Florence Sungte, Gospel Rock Band- SEMIKAH han inpakna hla hai sakin mipui fekhawmhai an inawia, anni baka hin Lorinda Varte, Christina Khawbung le Khawmawi ICI KTP Worship Team hai anthawkin  inpakna hla mawi tak tak el ngaithlak a ni a, an hla sak hai a hringin mi tamtakin malsawmna an dawng a, hun hlimum tak el hmang a nih.

Vote of thanks Pu Fimchawisang, Chairman, Khawimawi ICI KTP in hrilna a nei zoin Rev. H.P. Runremthang in hun khar tawngtaina le benediction hrilna neiin hun khar a nih. Khawmawi ICI KTP chun hi Concert a thang dinga ticket lo inchaw a hi hunser uop tuhai po po chungah an lawmthu Virthli fethlengin an hril bawk a nih.
Don't Miss
© all rights reserved
made with by Simon L Infimate