Delhi Khawpui-ah Ropui Takin Sikpuiruoi Hmang a Nih

Ralsun Hmar

DELHI: December 2, 2019, Virthli (ONP): November 30, 2019 khan Delhi Hmar Welfare Association (DHWA) huoihawtna hnuoiah Delhi khawpui le a sĆŖvĆŖla khawsa Hmar į¹­awng hmang haiin ropui takin ‘Ka Hnam Nun Mawi’ ti thupuia neiin Sikpuiruoi an hmang. Hi huna hin Pastor Lalthlanglien Sungte chu Sikpui PĆ¢ in a į¹­hang a, Pu Hibu Tamang, IPS, Additional Commissioner of Police, Delhi Police chu khuol į¹­ha a į¹­hangin Sikpuiruoi hi a uop bawk a nih.

Sikpuiruoi hi chawhnung dar khata į¹­anin, Air India Community Center, Vasant Vihar, New Delhi-ah hmang a nih. Hun hnia į¹­he in, hun khatna hi Tv. Daniel Lungį¹­au le Nk. Thelma Ramthienghlim haiin hnesaw takin an keihruoi a nih. Hun hmasatakah, Pastor Lalditsak Inbuonin į¹­awngį¹­aina’n Sikpuiruoi hi an hlĆ¢n a, Pu Darsuothang, Chairman, DHWA in mipui fekhawmhai lawmlĆ»t thu a hril a. Sikpui Pa in Sikpuiruoi a hawng zovin, mipui fekhawmhaiin khĆ»n takin Sikpui hla an sak. Sikpui Pa in mipui fekhawmhai kuomah Sikpui Thucha a hril bawk a nih. Kum 2019 sunga damnaw thisen mamaw hai tadinga thisen petu hai kuomah chawimawina inhlĆ¢n a ni bawk.

Hi huna hin Pu Lalchungsiem Thlawngate le Pu Lalliensung Amaw haiin mipui fekhawmhai kuomah thu ropui tak tak el, tlawmngaina į¹­obul, umzie le pawimawna hai le hnam nun mawi hrang hrang hai – inpumkhatna, neka upa inza le hnam nunzie mawi hai pawimaw zie le vawnghim a į¹­ul zie thuhai uor takin an hril a nih. Pu Lalchungsiem Thlawngate chun hnam nun mawi hai vawnghimna ding chun mani nina hriet chieng a pawimaw thu a hril a nih. Khuol į¹­ha Pu Hibu Tamang chun Delhi khawpui le a sĆŖvĆŖla North East mihai himna ding le hamį¹­hatna dinga a hmalakna hai a hril a. Hma tieng khawm a theitawp a suo ding thu a hril bawk.

Sikpuiruoi hmang huna hin kum 2019-2021 term sunga DHWA į¹­huoitu dinghai mipuiin an thlang nghal a. Chairman dingin Pu Hrangthangvung, Secretary dingin Pu Lalhmingthang Songate, Committee Member dingin Pu Robert Zarzolien Sungte, Pu Robert Penatu, Pu James Pusing, Pu Lalį¹­huoisuok Pudaite, Pu Thanglalmuon Hrangchal le Pu Lalthanglien Ruolngul hai thlang an nih. Valupa dingin Pu David Lalkhawnvar, Pu Hrilzarlien Khawbung, Pu Lalramlien Joute, Pu Thangsuolien Khawbung le Pu Vanlalthang Inbuon hai bakah nghakupa/nunghak į¹­huoitu dingin Nk. Chingbawi Buhril, Nk. Dardingpui, Nk. Elish Vanrammawi, Nk. Lalremthar Pulamte hai le Nk. Lois Lalrempui Pakhuongte hai an thlang bawk.

Upa Ruolkhumlien Buhril in Pathien kuomah ruoi inhlĆ¢nna a nei zovin Sikpui ruoi – Bawngsa le Vawksa chĆ¢rtang hme le vawksa hmepawk hme in ruoi kĆ®l tlang a nih. Mipui sang chuongin ruoi hi an kĆ®l a tiem a nih.

Hun hnina-ah Miss Sikpuiruoi Delhi 2019 inthlangna nei a ni a. Miss Sikpuiruoi Delhi 2019 dingin Nk. Christy Hluothangpui thlang a nih. Nk. Ramdinthar Pulamte le Nk. Rebecca hai chuh 1st Runner-Up le 2nd Runner-Up a thlang an nih. Hun hnina hi Tv. Lalhrietsung le Nk. Jubilee Tusing haiin hnesaw le inhawi takin an keihruoi a nih. Sikpuiruoi hmang hun sung hin a mawi le an hawi tawkin Hmar laia hlasakthiem inlâr, Mary Jones, Chawnṭhakim, Mercy Lalumpui, Jacob Penatu, Mercy Varte, Chatuon Ramhlunnei, Lalhrietsung Sanate, Isaac Parate, Thlasik Tawllawt Band, Zion Varte, Ruth Varte le a dang dang haiin Hmar hla mawi tak tak hai sakin mipui fekhawmhai an in-awi hne in, mipui an hlim tlang hle. Hun tawp takah, Pastor Lalsiesang Joute in Pathien kuomah ṭawngṭaiin Sikpuiruoi 2019 hi a khâr a nih.

Tags

#buttons=(Ok, Go it!) #days=(20)

Our website uses cookies to enhance your experience. Learn More
Ok, Go it!
To Top