USA a Sukkot 2019 Pu PS Haokip in a hmangpui ding

Missouri/CCPur, Oct.12, 2019, Virthli (ONP): Messianic Jews, USA a um haiin Oct. 13 - 21, 2019 inkar sunga Sukkot 2019 (Feast of the Nations) hmang pui dinga an fielna angin Pu PS Haokip chun hi hun hlu tak hi a hmangpui ding a nih. Hi hun a hin ama char thuhrilna hun pek a ni a, an fiel nasan tak khawm Leader of Manasseh movement in Asia le a dang dang a nina lei a nih.

Sukkot 2019 (Feast of the Nations) hi Lake of the Ozarks, Missouri, USA a nei ning a tih. Pu PS Haokip hi Tulsa, USA Airport a tlungin Rev. Konkhogin Haokip le a ruolnu bakah Seiboi Manlun Secretary, Kuki Inpi, USA in an lo tuok a nih.

Pu PS Haokip hi India-Manipur sawrkar hai le kum 2008 a inthawk  inbiekna ṭum 9 lai nei tah KNO-UPF a KNO tieng hotutak niin inbiekna khawm a fel ṭep tah a, hun sawtnawte ah India, Manipur sawrkar le KNO-UPF haiin Tripartite Talks a thutlukna an siem dungzuiin Kuki Territorial Council khawm Manipur ah a hung pieng vat tah beisei a nih. SoO group 15 lai KNO a hin an inthlungkhawma, SoO group 8 UPF a hin an inthlungkhawm bawk a nih. KNO-UPF hin Manipur a tlangmi/tribal, non-Naga hai popo huopin political solution a um ngei theina dingin movement an lo nei a nih.