HSA JHQ Shillong Gospel Camp lut tan

Simon L Infimate
Shillong, October 15, 2019, Virthli (ONP): Hmar Students' Association, Joint Headquarters, Shillong in vawisun anthawka October 17 chen aw ding Gospel Camp a huoihawt chu vawisun an lut tan. Hi Gospel Camp hi Shillong anthawka 40KM a hla Umtong, East Khasi Hills hmuna nei ani a, Speaker in Evan John, Associate Evangelist At-Large, ICI hmang a nih.


Vawituk khan hi Camp a lut ding inchuklai nunghak tlangval, nupui le papui mi 50 bawr vel hai chu EFCI Centre, Shillong ah Upa Buongneikung Buongpui in Pathien kuoma tawngtaina neiin an thla liem a nih. Camp suokni zan (Oct.17) hin Shillong khawtlang huopin EFCI GHQ Biekin, Demthring hmuna inkhawmna a um bawk ding a nih.

Hi Camp tadinga mimal tlawmngai le Kohran dang dang thangpuina petu hai chunga HSA Shillong chun lawmthu a hrila, hi Camp hi a hlawtling ngei theina ding le thlarau tieng malsawmna an dawng ngei theina dingin tawngtainaa lo san dingin mitin an fiel bawk a nih.
Tags

#buttons=(Ok, Go it!) #days=(20)

Our website uses cookies to enhance your experience. Learn More
Ok, Go it!
To Top