Responsive Ad Slot

HSA CCpur JHQ in lawmthu an hril

Sunday, October 13, 2019

/ Posted by Simon L Infimate
Rengkai, October 13, 2019, Virthli (ONP): Hmar Students' Association CCpur JHQ chun zani October 12, 2019 a HSA Campus, Rengkai Road a naupang inchuklai harsa tak tak a chawm mek le anni hai thangpuina dinga Banquet a buotsai huna hlim le lawm taka thlaithleng hung awt tuhai- mimal tin le pawl hran hran a thuoituhai chunga an lawmthu an hril. Chun remchang nawna leia thlaithleng a hmuna hung awt thei lo, sienkhawm HSA thiltum hrie a sum le pai a thangpuina hung petu hai po po chunga khawm Virthli fethlengin an lawmthu an hril a. Hi huna bu le hme inhnik taka suong pektu le a ṭul ang anga hung ṭhangpuitu- HSA CCpur College Unit hai chunga khawm HSA CCpur JHQ chun an lawmthu an hril bawk.

HSA CCpur JHQ chun tuhin naupang inchuklai a harsa bik zuol mi 18 a thei ang angin a thangpui mek a, anni hai thangpuina dinga fund rise a huoihawt huna hai hlutsak hlak dingin le ei renga ei rawngbawlna anga ngaia hmatieng peia khawm thang tlang nawk pei dingin HSA CCpur JHQ chun Virthli fethlengin mitin an fiel bawk a nih.
Don't Miss
© all rights reserved
made with by Simon L Infimate