Hmarkhawlien, September 07, 2019, Virthli (ONP): Hmarkhawlien Central Val Upa haiin damnaw mangang tuok huna hmang ding Ambulance hun sawt tak el an lo buoipui tah chu vawisun a inthawkin hmang thei ta dinga sukfel a lo ni tah. Hi Ambulance hi Pi Thanmawi of Hmarkhawlien hai sungkuo in an pa Pu (L) Ngursunthang hrietzingna dinga Sawrkara an dawng chu Central Val Upa, Hmarkhawlien hai kutah an inhlan a, siemthat ngai hai siemtha in vawisun khan zofel a lo ni tah. Hi Ambulance hi Hmarkhawlien khawsung mi le mikhuol haiin hmang thei an ta, a mawmaw hai chun Hmarkhawlien Central Val Upa hai hi contact no. 9127894337 a hin iengtiklai khawm ngaiven thei a nih.
