Shillong, August 12, 2019, Virthli (ONP): Shillonga Hmar hnam hminga pawl tum tum inzawmkhawm hieng Hmar Welfare Society, Val-Upa le HYA (Shan & Sinlung Branch) chun vawisun khan EFCI Centennial Hall, Demthring, Shillongah Hmar hnam huopa inkhawm/public meeting a ko. Hi meeting a hin Shillong-a Hmar hnam ṭhuoitu, Kohran ṭhuoitu lê mipui ṭhahnem tâwk tak an fê khâwm a nih.
Hi inkhâwmna hi Upa V L Faka in keihruoiin, hun hawng ṭawngṭaina Pastor Hrangdailo in a nei zoin Upa Dr. Zawlthanglien Changsan, President, Hmar Welfare Society chun public meeting ko a ni nasan hrilna a nei a. Tulai hnai a Hmar hnam sunga mi haiin sawrkar thilkhap, a bîkin damdawi inruithei (drugs) zawr an huong intau bâkah hieng damdawi zawrtu hai hi Police hai man chen tuok khawm an hung um pei ta leiin hnam hming suksietna le Meghalaya a Hmar hai ta dinga khawsakna chen a tâwkbuoi thei ding a ni leiin hi chungchang le inzawma hnam anga hmalak mek le hmatieng peia thaw ding hai hrilna a nei. Hieng hai baka hin sawrkar tienga thuneitu hai hrietpuinaa Hmar Community Defence Party (HCDF) indin dân ding le chu dinga Superintendent of Police, East Khasi Hills le inbiekna fê mêk thuah report a pêka. Ti anga thil a fe tluong a ni chun HCDF hin sawrkarah registration thâw lê Identity Card hai khawm issue dingin buoipui mêk a ni thu a hril.
Rev. Lalbiektluong, Vice-President, EFCI in thu hrilna hun nei ve in, a thu hrilna a chun hmun dang danga inthawka thaw ding chitum tum neia Shillong khawpuia khawsa tawl, Sawrkar le Pathien ditnaw zawnga khawsa le sawrkar ikhap sumdawngna thaw khawm an um thu, Akan suksuolna leiin Israel hnamin a tuor a, eini khawm chu ang chu ei ni thei thu hai uor takin a hril. Ei rama um ei ni nawh ti hre bawk ei tiu a. Chun, mi hmangaitu hai rama um ei ni nawh. Nuom hun huna mi hnawtsuok el theitu hai ram a nih. Nuhmei hi ṭangkâi takel an ni ang bawkin a rüka suolna thil thaw ding khawmin nuhmei hi nasa taka hmang an ni hlak. Mi'n an ram, duot le hmangai taka an enkawl, a suksetu a ei um hi thil indiklo tak a nih. Inthuruolna ei dit a ni chun hnam ṭhuoitu haiin suksuoltu an kawkna le zilna hi laibung thila la ngai nawng ei tiu. Ei laibungin a suksuol a ni chun "a suksuolna pawm ngam ei tiu". Ei khawsak le umdân hai ei sim a ni naw chun Meghalaya-a ei hmakhuo hi a'n thim a nih. Vawisuna ei hril hai po po hi Kohran levela khawm hrilin hma la nasa nawk zuol ei tiu. Ei chunga Lalpa a lawm a ni chun hieng harsatna ei tuok mek haia inthawk hin la fihlîm ngêi ei tih ti thu hai a hril.
Hi inkhâwmna hi Upa V L Faka in keihruoiin, hun hawng ṭawngṭaina Pastor Hrangdailo in a nei zoin Upa Dr. Zawlthanglien Changsan, President, Hmar Welfare Society chun public meeting ko a ni nasan hrilna a nei a. Tulai hnai a Hmar hnam sunga mi haiin sawrkar thilkhap, a bîkin damdawi inruithei (drugs) zawr an huong intau bâkah hieng damdawi zawrtu hai hi Police hai man chen tuok khawm an hung um pei ta leiin hnam hming suksietna le Meghalaya a Hmar hai ta dinga khawsakna chen a tâwkbuoi thei ding a ni leiin hi chungchang le inzawma hnam anga hmalak mek le hmatieng peia thaw ding hai hrilna a nei. Hieng hai baka hin sawrkar tienga thuneitu hai hrietpuinaa Hmar Community Defence Party (HCDF) indin dân ding le chu dinga Superintendent of Police, East Khasi Hills le inbiekna fê mêk thuah report a pêka. Ti anga thil a fe tluong a ni chun HCDF hin sawrkarah registration thâw lê Identity Card hai khawm issue dingin buoipui mêk a ni thu a hril.
Rev. Lalbiektluong, Vice-President, EFCI in thu hrilna hun nei ve in, a thu hrilna a chun hmun dang danga inthawka thaw ding chitum tum neia Shillong khawpuia khawsa tawl, Sawrkar le Pathien ditnaw zawnga khawsa le sawrkar ikhap sumdawngna thaw khawm an um thu, Akan suksuolna leiin Israel hnamin a tuor a, eini khawm chu ang chu ei ni thei thu hai uor takin a hril. Ei rama um ei ni nawh ti hre bawk ei tiu a. Chun, mi hmangaitu hai rama um ei ni nawh. Nuom hun huna mi hnawtsuok el theitu hai ram a nih. Nuhmei hi ṭangkâi takel an ni ang bawkin a rüka suolna thil thaw ding khawmin nuhmei hi nasa taka hmang an ni hlak. Mi'n an ram, duot le hmangai taka an enkawl, a suksetu a ei um hi thil indiklo tak a nih. Inthuruolna ei dit a ni chun hnam ṭhuoitu haiin suksuoltu an kawkna le zilna hi laibung thila la ngai nawng ei tiu. Ei laibungin a suksuol a ni chun "a suksuolna pawm ngam ei tiu". Ei khawsak le umdân hai ei sim a ni naw chun Meghalaya-a ei hmakhuo hi a'n thim a nih. Vawisuna ei hril hai po po hi Kohran levela khawm hrilin hma la nasa nawk zuol ei tiu. Ei chunga Lalpa a lawm a ni chun hieng harsatna ei tuok mek haia inthawk hin la fihlîm ngêi ei tih ti thu hai a hril.
Upa Simeon Sungte, Chairman, Shillong Hmar Val-Upa in mana um hai chu an ni ding ang ang an ni tah leiin mana la um lo, damdawi le sawrkar thil khap a ruka zawr iemanizat an la um thu, chuong hai chu mi thabo, sum awlsam zawng an ni thu a hril. Manipur, Mizoram, Assam le state dang danga inthawka hung khawm ei nia, chuong hai chun ei veng/khuo a ei khawsak dan anga khawsak tum phet pawl hi ei um hlak. "Kan veng/khuo a kan thaw dan" ti hi a tama, Hmar hi enkawl buoithlakna tak ei um tlat. Mi tlawmte suksuolna leiin suksuol naw tu hai chen a ram mi haiin an mi hmusitin an kutthak nalna taka an mi hmang chang a bo nawh. A san chu, mi tlawmte hai nungchang inzaumna umnaw lei a nih. Damdawi zawrtu hai hin "tuolthattu" an ni ti hi inhre raw hai se ti hai a hril.
Tv. Obed L Thomte, Secretary, HYA Shan Branch, Shillong khawma Branch aiawa thu hrilna neiin hieng ang suolna leia lekha inchûk dinga hung student hai khawma inhluo ding zawngna kawnga harsatna an tuok nasat thu hai a hril a. Hieng anga mipui ta dinga harsatna siemtu hai chu Shillonga inthawkin hnawtsuok el ni hai sienla thil ṭha a ni ding thu a hril sa bawk.
Pu LT Muona Changsan, President HYA Sinlung Branch khawma "khawltang suksetuhai dona kawnga hin inthuruola ṭhang tlâng ding ei ni thu uor takin a hril ve.
Mipui hung hai kuoma lawmthu hrilna Upa Dr. Zawlthanglien Changsan in a neia, Pastor Solomon in hun khar ṭawngṭaina Pathien kuoma neiin hi public meeting hi zo a nih.
