Responsive Ad Slot

Lungtau Welfare Association in Lawmpuina hunser hmang

Saturday, August 10, 2019

/ Published by Simon L Infimate
Rengkai, August 10, 2019, Virthli (ONP): Lungtau Welfare Association (Pa Hnam Inzawmkhawm) Headquarter, Churachandpur, Manipur chun August 10, 2019 dar 11:30AM khan Vision Academy, Muolhum, Rengkai- ah Lungtau hnam sunga sin hmu thar le sin a kaisang hai lawmpuina hunser an hmang. Hun vawngtu in Pu James Lalhmunhlun Fimate (Asst. Secy., LWA) a thang a, hun hawng tawngtaina Rev. Laltholien-in a nei a, Pu Darlienthang (Chairman, LWA GHQ) in lawmlutna thucha hrilna a nei.

Hi huna hin Khuollien- Prof. Lal Dena le Khuolinzaum- Upa Hrangthankhum Songate hai a'nthawkin thuhril ngaithlak a ni a, Pu Thangsawihmang in Lungtau tobul hrilna a nei a, Rev. Rose Infimate a inthawkin infuina thucha ngaithlak a nih.

Pu Lalhmasawn, Secretary, LWA, GHQ in lawmpuina thilpek, sin hmu thar le sin a kaisang mi 47 hai kuomah inhlanna hunser a hmang a, hun kar lakah Nk. Deborah Infimate, Nk. Hossanmawi Songate le Tv. Elvis Rochuoilo Vanso han hla in mipui fekhawm hai an inawi a. Ruoi inhlanna le hun khar tawngtaina Upa David L. Lungtau in a nei zoin hun suktawp a ni a, lawmpuina  ruoi kiltlang a nih.

Don't Miss
© all rights reserved
made with by Simon L Infimate