Responsive Ad Slot

Letter to the Editor/Admin

Tuesday, August 20, 2019

/ Posted by VIRTHLI
To,

The Administrator (Admin.),
Virthli & Hmar Inpui Info Group.

Pu Admin. Inzaum,

A hmasa’n, ei hriet seng ta khawm nisien la, hril nawn nawk tula a um leiin, zuk tuihni nawk vak ei ti ie. Fiemthaw thiemlo Mr. Laldemlo Hmar le Mr. Thangsiem Hmar haiin HPC(D) Letter-Head inru rekin, General Headquarter hming hmangin, Press Release niawm tak, an thaw rek khan, mipui thenkhat dawnril raklo hai a chawkbuoi ta rek a; Hmar Inpui kuomah thil umdan, ‘Hmar hnam lai chieng-kawngin mi hril pek ro’, ti in, vel tam ei hni ta cheu a chu, mi thawpek nuom lo cheu, mipui an chie-ai ani tak ta hi. Chuleiin, Pu Admin. Hmar mipui hriet dingin thil umdan chieng taka, in hril nuom naw a lo ni khawmin, Saipui le Uipui chu tekhi ruollo annih, ti thu bek hi chu, ei group a hin, hung thairang thei la chu, zuk tuihni ve ka nuom hlak an nawm ie.

Ei hriet seng ta angin HPC(D) kha, Mizorama fe ding pawl le Assam le Manipur a, la chambang ding pawl hotuha’n an ruota, chuong ang tak chun, keini Assam le Manipur a chambang le Mizorama feve lo, HPC(D) kan ni hrim a, chuongani zing laia, Mr. LK Hmar le a rawihai (Tuta Hmar Inpui in mitak chaia a chai hai hi???) chu Mizoram-Sesawng hmun a, Mizoram Sawrkarin, Arms lay-down ceremony a buotsaia khan intiemkamna (Oath-taking), “Ramhnuoia lut nawkin silai chawi nawk ta nawng kan tih,” tia Pathien, Mizoram sawrkar, le Hmar mipui hmaa annei ni le inruol khan, an HPC(D) nina khawm an in surrender pui sain, hlip vai vawng kha an nih.

Chuongang taka, Mizoram Sawrkarin insurrenderna sum a pek tawlhai khawm kha, keini HPC(D) Assam le Manipur a la um hai hi, chengkhat khawm an mi sem ve der nawh. Tuhin an insurrenderna sum an hmangzo am ani tading le an thu intiemkamna hai khawm kha sira hnawl in, Silai an hung chawi nawk a. Hmingthar phuok ding an hriet lul naw chu ning ata, Mr. Alan Famhoite kuoma kan sie, HPC(D) Letter-Head le HPC(D) Computer-set hai chu ama (Alan) puma inru dawkin, kan Letter-head chu hmang rem changin HPC(D) General Headquarter ti hmingin lekha an insuo vet el ta khawm hi, mihriem atunga lawn taphawt chun, thiem an inchang chu ka ring bik der nawh.
Chun Mr. Alan Famhoite khawm hi keini HPC(D) chun Lanva, nulla le Tuithapui sukfai dinga mawphurna kan pek nisi in, kan HPC(D) Letter-Head a lo pek dawk vet el khawm hi, a kuong lo ding a nawr chu ani naw am ani maw, Pu Admin?

Ani ngei, tarik 17/08/19 ni khan Thingchom a kan Hotupa Pu L.Sanga Hmar chun, Sipai inhmu-khawmna le bufak-tlangna nei a rawt angin, Uichal lienpa sangruk le zanga man zet le Bawngsa, Vawksa, Ngasa le Arsa chu lasa bawkin, ruoi ropuitak chu a buotsai ngeia, Sipai khawm chi hrang hrang- India sipai khawm thangsa’n, le fiel-bik a nei hai, a zawlpa, Pu Joseph R. Hmar (Samsei ve tho pa) el khela hlaa min awitu dingin hlasakthiem le Artist tamtak khawm, fielin an um ngei kha.
Chun ngaita Pu Admin, Zan 8.00pm a hung inri chun, fiela um nive lo hai, inza um tak tak Rev. Benjamin a rawiin an hung ta huk el a, ieng thu, ieng hlam, a um ta le vawizan chu, hi bufak thlangna pawrawkram kan neia nang ni khawm in hung inlang khieta, tia indawnna chu, ama (Rev. Benjamin Shakum) chun vawisun JMG meetingna a in hung inlang ve naw leiin kan la hung ani ie, ti in a dawn a. Kan hotupa chun Lekha, kan aia thang dingin meetinga kan hung thawn an naw a? tia, a dawn hman chau le inruol chun, Rev. Benjamin chun, khawm kei ka quota ding? ti in, a zawng ta mawl mawl chu ani kha tie.

Ngaita, Pu Adim. a quota a hei kuokhawm kha chu aw, Ankhasuo naupang sawmvel khawmin zawn hai sien, an zawnzo ka ring thak nawh. Chun maw Pu Admin, Zan dar 12.00 vel a hung inria, taksa ruoi le hla ruoi mi po poin khawp le tlaitaka an kil tlang dup dup lai chun, ama (Rev. Benjamin Shakum) chun, ‘ka tin nuom an ta, mi van tla ro’, tiin ami ngenna, amiruokchu hla ruoi ei la kil zo si nawh, I lo tin bik chu inhawi a ti’m ie, tia ka dawn kha, a zingkar a chanchin ka hriet zawm nawk chau ani kha tie. Hmar Inpui President, Pu Joseph R Hmar hlak chu a zingnawk zan 11.00 vel in Pu, David Buhril le a in tienga riek dingin an fe ti chau naw kha chu, ama Rev. Benjamin kha, Thingchom khuoa inthawk iengtik hun le iengtin in am, a in a tlung ti chu, Pa chau naw chun a hrie kan um der naw a nih.

Chuleichun Pu Admin. Keini Letter-Head hmanga Press Release ni awm tak insuo a um kha, a umzie ding awm le a chinchang  kan ngaituo nget nget khawm a, a kawk ding kan hriet suok thei naw ani, Pu Admin. nang dam hin a kawk le a umzie I lo hriet khiet rawi naw maw? Asanchu, kha zan khan a tawp chen I um ve zing ni’n ka hriet bawk si a!!??

Ringumin,

(Mr. ISAK HMAR)
Secretary,
HPC(D) Manipur Region.


NB- Pu Admin, a chunga ka hung tarlang lo hai khawm hi, hril ding tam deu ka la nei a nih. Mi I hrilsawng naw ding ani chun hril thei ka ti che. Chun maw! Pu Admin, Tuta ka lekha khawm hi maw, Social media a hai khawm mi kap dar pek naw raw aw! Mr. Alan Famhoite in a hriet lem chun, lekha dam hung thawn a ti che a, mak deudeu a hung hril rek ding. I gate hung sui hawngin, pistol dama hung tin rek pal a chea, ei sie vawng a ni’l, Alan hi HPC(D) in full training pe hman loa, HPC(D) Officer Short Commission training zo hram cho a nih. Mi pawi hril le tawk dan ding chen chara, training la zo a nia, a siem that nawk dan ding Class kha la hman loa, emergency thil leia, kanin service tir a nih. HPC(D) Manipur Region External Secretary ni zing sia, HYA General Secretary hminga, Saidan khuoa, Chief Guest a thang thei ngat, record break ani hi aw…… Kek kek!!!!!



Don't Miss
© all rights reserved
made with by Simon L Infimate