Responsive Ad Slot

HSA Silchar Branch 27th Freshers' Meet

Saturday, August 24, 2019

/ Published by Simon L Infimate
Silchar, August 24, 2019, Virthli (ONP): Vawisun Thlazîng ni 24, 2019 hin Bhango Bhawan, Sadarghat, Silchar-ah H.S.A. Silchar Branch  Freshers' Meet a vawi 27-na chu hlim taka hmang a nih.

Hi huna hin Guest of Honours' Pu Lalsiemmawi Khawbung, Trainee Officer, SBI, Pu Johnson Singson, Sr, Administrative Officer, Burrows Memorial Hospital, Pu Joseph V Tuolor, Gen. Secy.  , HSA GHQ le Hmarnau Officer tam tak an thang a. Mipui khawm an tam thawkhat hle nih. Inpuocha naw anga thil inherin, Chief Guest dinga fiel Pu Jonathan Vaiphei, ALRS, Circle Officer & Executive Magistrate, Sonai, Cachar chun hun a hluobit thei naw a, pawi ei titlâng.

Khuol zaimi Bethel Lalsanglien Inbuon le tuolsûng hlasakthiemhaiin mipui tlai takin an inawi a, programme a mukin a'n dén tak zet.


Hun hnia thein programme hi Tv. Daniel Selate le Nk. Crossmawi Intoate haiin kamchim ngaino bei zetin an keithuoi a, mi dang thanglo khawmin mipui lawm an hlaw viu.

Kum 2019 ah hin mithar 40 bawr vel zet an um a. A tam lem chu inchûklai ram tuon niin, thenkhat kámding ram tuon ve thung an ni a, an rengin, khûpa inthawk lu chenin dawsángah (stage) enkawlna thuhmuna inlangtir an nih.

HSA Miss Fresher dingin Lalumpui, le Mr. Fresher dingin Ngamrokhup thlang an nih.

Kum 2019-20 sunga HSA Silchar Br. President dingin Tv. Peter Kungate thlang a ni a, a tum 3-na ding a nih. Branch Secy. dingin Tv. Nathanael Neingaite thlang a ni bawk. Inthlang hi HSA GHQ GS in a neipui a nih.

Thu neka hla chánga revival chang rawn hnam, ti ta cháwkah, vawisun zet chu hla tieng a burip khep khep hle.

Mi tam takin an piengcham nék hmana an tûng lem hunpui chu, kum nawk fûrsiet laia intawng nawk dingin zantieng dar 6 vel khan tumtiek a nih.





Don't Miss
© all rights reserved
made with by Simon L Infimate