Responsive Ad Slot

HSA JHQ Shillong in 62nd Freshers'-cum- Social Meet an hmang

Saturday, August 24, 2019

/ Published by Simon L Infimate
Shillong, August 24, 2019, Virthli (ONP): Shillonga hmarnau inchuklai hai chun vawisun khan 62nd Freshers'-cum- Social Meet chu hlawtling takin an hmang. Hi huna hin HSA JHQ Shillong kum tam tak el lo thuoitu le HSA GHQ President chen lo ni tah Pu Lalthlamuana Hmar, CEM, Sinlung Hills Council chu Chief Guest a hmang ani a, Mizoram anthawkin Pu Lalthanglien @LT Hmar, Chairman, SHC le Pu Rothangkhum Sungte, Deputy Assembly Secretary, HSA GHQ haiin an hung uop.


Guest of Honour in Pi Elizabeth Lallawmkim, Senior Statistical Officer, Government of India le Functional President in Pu Lalpawllien Tuolor, Asst. Administrative Officer, CPWD, Guwahati Region; President, Hmar Inpui Meghalaya Region hmang a nih.


Hun khatna ah Shillong hmuna lekha inchuk dinga hung thar hai/ Freshers hai hmelhrietna le lawmlutna hun hmang niin Freshers hai aiawin Nk. Joy Lalnunthari, K.L. Bajoria College in thuhrilna a nei. Dr. Challiensung in Freshers hai infuina thucha tha tak tak el hrilna neiin Pastor Solomon Lalremthang in Freshers hai ta dinga tawngtaina a nei.


Chief Guest Pu Lalthlamuana Hmar chun a thu hrilna ah taimakna hi hlawtlingna ani thu uor taka hrilin, Sinlung Hills Council le inzawma hmalakna hai a hril sa. Guest of Honour Pi Elizabeth Lallawmkim chun inchuklaihai hmelma tak chu thabona a ni thu, smartphone hin thabona le hlawtlingna an tlun thei leiin thiem taka hmang dingin inchuklaihai a fiel. Functional President Pu Lalpawllien Tuolor chun silai nekin pen a pawimaw zie, quantity nekin quality a pawimaw thu le dam sung huna hnam tadingin vawikhat bek thilthaw/contribution nei dingin inchuklai hai a hril.


Secretarial report JHQ le Unit hai anthawkin ngaithlak ani a, naupangte haiin hnam lam mawi tak el inentirna le HSA Veteran's Choir haiin mawi taka hlapawl sakna an nei bawk. Guest hai chawimawina thilpek inhlanna le HSA in Gospel Camp a huoihawtna ding thangpuina hai dawl a ni bawk a nih.


Hun hnina ah inchukna tienga thawtha zuol mi 71 hai kuoma chawimawina thilpek inhlanna nei ani a, Joint College haiin cultural show en nuom um tak el, Nk. Loicy Keivom le Nk. Rodin Sungte haiin hnam puon hai mawi taka inentirna an nei bawk. Hi huna hin Mr. & Miss Freshers/HSA thlangna nei ani a, Mr. Freshers dingin Tv. Edward Shakum le Miss Freshers dingin Nk. Jessy Ngurpiengmawi, Mr. HSA JHQ Shillong dingin Tv. Samuel Lalbelsang le Miss HSA JHQ Shillong dingin Nk. Rebecca Buhril hai thlang an nih. Financial report le thuhril tawi hieng Hmar Inpui, Val Upa le HYA haia inthawkin ngaithlak ani bawk a nih.


Hun thumna hi formal prokram hai hmang zo hnungin rimawi tieng panga insukhlimna huna hmang a nih. Nk. Mercy Lalumpui, Nk. Eunice Lalngaihsaki, Nk. Remruotkim, Tv. Roland Malsawmlien Thiek haiin mipui hla a inawiin hlimtlang taka hun hmang zo a nih.


Don't Miss
© all rights reserved
made with by Simon L Infimate