Right to Freedom
India Constitution hnuoia fundamental rights iemanizat ei nei a. Right to freedom hi pakhat a nih.
Right to Freedom hnuoia right to assembly peacefully without arms hi Article 19(1)(b) dungzuia ei right a nih. Nuom nuom hril theina right khawm Article 19(1)(a) in a mi pek. Chun nuomna hmun hmuna fe le inlawn theina right Article 19(1)(d) in a mi pek seng.
Restriction
Amiruokchu, a chunga freedom pathum ei i tarlang hai khi public order suksie theitu dam an lo ni a, thil suol thawna a hmang ei lo tuma, decency le morality inzader lova ei tawng pawt pawt annawle ei nuom nana ah buoina chawkdawk tumin ei inlawn thang annawle dan lovin hmunkhatah ei umbuom a ni chun, sawrkarin mi khap theina power a nei a. Chu chu sirsanin ei freedom pathum hai khi an chawltir thei.
144
Assam NRC Final List le inzawmin 30.8.2019 khan Dima Hasao, Cachar, Hailakandi le Karimganj DC haiin Sec 144 an lo puong tah. Thenkhat chun 144 hi mini-emergency hriemhrei a nih, an ti a. A tamlem ruok chun buoina suok ding a suok hma a sukretu chu 144 chau hi a nih, an tih.
144 hi order a ni a. India dan Criminal Procedure Code (CrPC) 1973 hnuoiah Sec 144 hi tlangzar a nih. Hi order hi vantlang, mimal annawle mi pahni neka tam hai hriet dinga DC/SDO/Magistrate in an insuo hlak a nih. Buoina um thut thei le inchawkbuoi thei thil a inthawka invengna dingin DC/SDO/Executive Magistrate in 144 hi an insuo hlak.
144 huomsunga khap thil hai
Khap thil le thaw lo ding thil hai 144 order ah inchuonsa an ni hlak. Khapna hmun le hunbi khawm an zepsa hlak.
Dima Hasao DC in 144 a puong a khan a hnuoia ei tarlang hai hi khap an nih:
1. Hmun khata mi panga le chungtieng umbuom phal a ni nawh
2. Bandh/Rally/Strike/Dharna khap hmak a nih
3. Hriemhrei hieng hmawl, chemte, lathi, dao, saihli, silai le a dang dang chawilawn phal a ni nawh
4. Ke pahni nei motor ah pakhat neka tam chuong awilo.
Amiruokchu, upa deu le naupang kum sawm hnuoitieng hai chu tawlsa thei an nih. Chun sawrkar thawktu sin nei hai tawlsa thei an nih.
Bond
CrPC besanin dan lova lo umbuom annawle 144 order annawle Dara 144 puonga um inza lo hai chu mankhawmin bond insigntir thei an ni a. Thla ruk sung thaw nawk ta lo dingin hrilhriet ning an tih. Chu sunga Police verification tul sin hmu ding dam an lo um chun thubuoi siem pek thei an nih. Habitual offender lem chu sin reject theina a nih.
Hnawtdar
Dan lova lo umbuom hai chu Police SI le chungtieng annawle Magistrate in an hnawt dar thei a. Dan lova lo umbuom hai hnawtdawr dingin Police in an hriemhrei popo hmang thei an tih.
Jail
Sec 144 thupek zawmlo hai chu Police in an man hlak. An chunga thubuoi Sec 188 IPC zam thei a nih. Chu chu sawrkar order engmalova ngaitu chunga thubuoi tina a nih. Kum khat jail intangna thei a nih.
Mi panga neka tam hmun khata umkhawm awilo ti hnunga la umkhawm hai man an ni chun IPC an awr thei a. Thla ruk jail intangna thei a nih. Hmawl le intuolvuokna hriemhrei an lo chawi pal chun kum hni jail intang an ta. Fe hmang dinga hril hnunga la kawmaw hai chu kum hni jail intang an tih. Hnawtdar tumtu Police lo inselpui annawle lo vuo tumtu chu kum thum jail intang a tih. Public le sipai sukhliemtu le public property suksietu chu kum sawm jail intang a tih.
Thukharna
Emergency thil hieng damnawna, thina, meikang thil, etc. a hai chu inhrietthiemna a um. Polite deuva thuneitu hai permission lak thei a nih.
Assam NRC Final List a hming la chuong lo hai ta dingin hun an la pawtsei a. Ni za le sawmhni sungin claim peklut nawk thei ning a tih.
NRC le inzawma 144 CrPC order hi inza tum seng ei tiu.
-Lakhawmtu
James A. Songate, APS
DSP (Law and Order), Sivasagar
30.8.2019
India Constitution hnuoia fundamental rights iemanizat ei nei a. Right to freedom hi pakhat a nih.
Right to Freedom hnuoia right to assembly peacefully without arms hi Article 19(1)(b) dungzuia ei right a nih. Nuom nuom hril theina right khawm Article 19(1)(a) in a mi pek. Chun nuomna hmun hmuna fe le inlawn theina right Article 19(1)(d) in a mi pek seng.
Restriction
Amiruokchu, a chunga freedom pathum ei i tarlang hai khi public order suksie theitu dam an lo ni a, thil suol thawna a hmang ei lo tuma, decency le morality inzader lova ei tawng pawt pawt annawle ei nuom nana ah buoina chawkdawk tumin ei inlawn thang annawle dan lovin hmunkhatah ei umbuom a ni chun, sawrkarin mi khap theina power a nei a. Chu chu sirsanin ei freedom pathum hai khi an chawltir thei.
144
Assam NRC Final List le inzawmin 30.8.2019 khan Dima Hasao, Cachar, Hailakandi le Karimganj DC haiin Sec 144 an lo puong tah. Thenkhat chun 144 hi mini-emergency hriemhrei a nih, an ti a. A tamlem ruok chun buoina suok ding a suok hma a sukretu chu 144 chau hi a nih, an tih.
144 hi order a ni a. India dan Criminal Procedure Code (CrPC) 1973 hnuoiah Sec 144 hi tlangzar a nih. Hi order hi vantlang, mimal annawle mi pahni neka tam hai hriet dinga DC/SDO/Magistrate in an insuo hlak a nih. Buoina um thut thei le inchawkbuoi thei thil a inthawka invengna dingin DC/SDO/Executive Magistrate in 144 hi an insuo hlak.
144 huomsunga khap thil hai
Khap thil le thaw lo ding thil hai 144 order ah inchuonsa an ni hlak. Khapna hmun le hunbi khawm an zepsa hlak.
Dima Hasao DC in 144 a puong a khan a hnuoia ei tarlang hai hi khap an nih:
1. Hmun khata mi panga le chungtieng umbuom phal a ni nawh
2. Bandh/Rally/Strike/Dharna khap hmak a nih
3. Hriemhrei hieng hmawl, chemte, lathi, dao, saihli, silai le a dang dang chawilawn phal a ni nawh
4. Ke pahni nei motor ah pakhat neka tam chuong awilo.
Amiruokchu, upa deu le naupang kum sawm hnuoitieng hai chu tawlsa thei an nih. Chun sawrkar thawktu sin nei hai tawlsa thei an nih.
Bond
CrPC besanin dan lova lo umbuom annawle 144 order annawle Dara 144 puonga um inza lo hai chu mankhawmin bond insigntir thei an ni a. Thla ruk sung thaw nawk ta lo dingin hrilhriet ning an tih. Chu sunga Police verification tul sin hmu ding dam an lo um chun thubuoi siem pek thei an nih. Habitual offender lem chu sin reject theina a nih.
Hnawtdar
Dan lova lo umbuom hai chu Police SI le chungtieng annawle Magistrate in an hnawt dar thei a. Dan lova lo umbuom hai hnawtdawr dingin Police in an hriemhrei popo hmang thei an tih.
Jail
Sec 144 thupek zawmlo hai chu Police in an man hlak. An chunga thubuoi Sec 188 IPC zam thei a nih. Chu chu sawrkar order engmalova ngaitu chunga thubuoi tina a nih. Kum khat jail intangna thei a nih.
Mi panga neka tam hmun khata umkhawm awilo ti hnunga la umkhawm hai man an ni chun IPC an awr thei a. Thla ruk jail intangna thei a nih. Hmawl le intuolvuokna hriemhrei an lo chawi pal chun kum hni jail intang an ta. Fe hmang dinga hril hnunga la kawmaw hai chu kum hni jail intang an tih. Hnawtdar tumtu Police lo inselpui annawle lo vuo tumtu chu kum thum jail intang a tih. Public le sipai sukhliemtu le public property suksietu chu kum sawm jail intang a tih.
Thukharna
Emergency thil hieng damnawna, thina, meikang thil, etc. a hai chu inhrietthiemna a um. Polite deuva thuneitu hai permission lak thei a nih.
Assam NRC Final List a hming la chuong lo hai ta dingin hun an la pawtsei a. Ni za le sawmhni sungin claim peklut nawk thei ning a tih.
NRC le inzawma 144 CrPC order hi inza tum seng ei tiu.
-Lakhawmtu
James A. Songate, APS
DSP (Law and Order), Sivasagar
30.8.2019
