Responsive Ad Slot

Operation Tuithapui le inzawmin HPC(D) General Headquarter in lawmthu a hril

Tuesday, July 30, 2019

/ Posted by Simon L Infimate
OPERATION TUITHAPUI LE INZAWMA LAWMTHU HRILNA
30th July, 2019

Hmar People’s Convention (Democratic) – HPC(D) indin san (preamble) le a pawl thiltum (constitution) dungzuia, Hmar hai chengna/khawsakna taphawta mipui rawngbawla, hnam thilhlu le hnam rohai vawnghim tlat a ni angin, Tuithaphai hming chawitu TUITHAPUI thi ding meka um suk hring nawkna dingin hun iemani chen lampui dapin Hmar khuo haia Village Authorities le Lalhai le tlawmngai pawl hran hran ko khawma inrawn tlangna nei ani a, chu hmalakna dungzui chun tarik 27th July, 2019 khan “Operation Tuithapui” tiin a nawlpuia tlangsin hlawtling taka thaw a nina leiin HPC(D) chun lawmum a ti takzet a. A bikin khuo tina Village Authorities, HYA Tuithaphai JHQ, Hmar Women Association, Gen Hqrts, Hmar Artiste Association, GHQ le Sorkar tieng a Autonomous District Council, Churachandpur, CEO, Chairman le Staff haiin Sanitary Truck panga le JCB pahni zet hung tuokin, Bethesda College of Nursing a inthawk Medical Team sunnitlaka hung inpe hai le mimala thangpuina hung tuoktuhai po po chungah lawmthu kan hril nawn mawl mawl a nih.

Hi hmalakna hi a tawpna ni loin, a bul ei tanna chau a nei leiin, a nawk peia hai khawm mithlathlam lova mi thlawp pei dingin, mitin kan fiel cheu. Chuonglaizing chun hi hmalakna le inzawmin tarik 28th July, 2019 khan Isak Hmar, Secretary, HPC(D) Manipur Region in Press Release siemin, OPERATION TUITHAPUI le inzawma thulakna (information) chu Mr Josh Hmar, Town Commander le Mr Mathew Hmar, Home Secretary, HPC(D) Manipur Region hai inhriettir ding tiin an contact number chen a suklang hi “MI KUT CHUNGA RUL MAN TUM” le sawl taka hmalatu mipui hai inza nawna le thubelchienglo the dar hi pawi kan tiin hieng thil hi tawpsan hmak dingin kan inhriettir nghal a nih.

Hi hmalak peina le thu chieng lem amani, Tuithapui humhalna kawnga dan bawsetu an lo um a, inhriettirna pe nuom hai chun Mr Thangsiem Hmar, Deputy C-in-C (Administration), Mr Laldemlo Hmar, Deputy C-in-C (Operation) le Mr Peka Hmar, Town Commander hai biek paw thei zing ning an tih.

Save Tuithapui
Save The Dying River
Support Operation Tuithapui


Ram le hnam tadinga inthahnemngaipui,

Sd/-
(ALAN HMAR)
Defence Secretary
HPC(D) General Headquarters: Sinlung


Don't Miss
© all rights reserved
made with by Simon L Infimate