Responsive Ad Slot

Nk. Rejoyce Hmunhring Silchar ah doctor panpui zo

Tuesday, July 30, 2019

/ Posted by Simon L Infimate
Silchar, July 30, 2019, Virthli (ONP): July 20, 2019 nia Virthli a insuo a lo um tah, Mauchar khuo, NC Hills Jinam Valley a um Nk. Rejoyce Sumneitling Hmunhring, Pu Lalchawlthang Hmunhring a naunu thluok tieng buoina leia invet ang el le rannung hai ang el a khawsa tah, an insung lum a khawm an kawl thei ta lo, ripte bawl peka khawsa el ta chu mi tlawmngai haiin a doctor panna ding tia an phal ang ang hai an thawkhawm chun doctor panpui a lo ni tah.

Silchar fe le hungna ding motor chu Pu Zosumthang, MAC, Jinam Valley hai nupa in ngaituo pekin, July 26, 2019 khan a sunghai, Mauchar HYA le HWA haiin theitawp suoin motor ah thunin, a ke hai chain a thlungin Silchar phur tlung a nih. Silchar a hin ama chanchin lo hrie a hmalatu Pi Dr. Lalthakim Hmar in lo nghakin, hi ni vekin hin Psychiatrist panpui a nih. Nk. Rejoyce Hmunhring a natna tak hi Schizophrenia ti ani a, hi natna hi ngaituona le thluok tienga buoina rapthlak tak el, mani um dan hai chen khawm theinghila invet anga khawsa, an khawvel thlir dan le an um dan ah mi an phak ta naw hlak a nih. A doctor pa hril dan chun a dawmdawi hi tha taka a fak chun thlakhat hnunga a buoina hi 50% vel a bo dingin a lo hril a nih.  Doctor hin thlakhat fak ding damdawi pe phawtin, chu zova in check up nawk pei ding ti a nih.

Hrila um ta angin Nk. Rejoyce Hmunhring a doctor panna ding hi mi inpe le tlawmngai haia inthawka sum thawkhawm a ni leiin mawphurna latu han indik taka hmang an tuma, tha taka inchik pei a nih. Silchar hmuna sengso po chu Rs. 7,480/- a ni a, hi seng zat khawm hi a hmuna doctor panpuia fe ha'n an hrietpui ngei a ni thu suoi an kei ngat a nih.

Doctor panpui zo ani hin an veng Mauchar tieng kirpui nawk nghal a ni a, Pi Dr. Lalthakim hin an veng chen a va thak nghe nghe a nih. A hnuoia video a hin kimchang deuin doctor panpuina le an veng thaktlung huna mi chen en thei a nih.




YouTube Link: https://youtu.be/y3GsfUaQlCE
Don't Miss
© all rights reserved
made with by Simon L Infimate