Responsive Ad Slot

HSA in Lawmpuina le Chawimawina thilpek inhlanna an nei

Tuesday, July 30, 2019

/ Posted by Simon L Infimate
Rengkai, July 30, 2019, Virthli (ONP): Hmar Students' Association (HSA) Rengkai Unit le HSA CCpur JHQ chun July 30, 2019 dar 8:00PM khan North-Eastern Hill University (NEHU) 2019 result suok a B.Sc (Zoology) a 1st Class, 1st Position latu - Nk. Judith Ramtharmawi D/o Pu Lalsiemlien & Pi Remthangpui, Venthlang, Rengkai chu Lawmpuina le Chawimawina thilpek inhlanna hunser an hmang. Hi huna hin Mr. Gulith Hriler, President Rengkai HSA Unit le Pu Lungruolpui Sungte, Secretary, Rengkai HSA Unit chun hieng ang hlawtlingna a chang hi an lawmpui thu le hma tieng peia khawm hlawtlingna chang nawk pei dingin an ditsak thu an hril a, an lawmpui zie suklangnain Rengkai HSA Unit hmingin Chawimawina thilpek Memento inhlanna an nei. Hi huna hin Pu Jeffrey Saihmang, President, HSA CCpur JHQ khawma a hlawtlingna chang hi an lawmpui thu le an lawm zie suklangnain HSA CCpur JHQ hmingin Hnam puon inbattirna hun a nei a. Lawmna thingpui dawn tlang a ni a, hun hlimum tak el hmang a ni zoin Pu Jeffrey Saihmang in tawngtainain hun a khar.








Don't Miss
© all rights reserved
made with by Simon L Infimate