July 22, 2019, Virthli (ONP): India in Thlapa a a mission pahnina ding ‘Chandrayaan-2’ chu Satish Dhawan Space Centre, Sriharikota hmuna chawhnung 2:43PM khan hlawtling takin a lo kapkai tah. Chandrayaan 2 hi GSLV-Mk0III-M1 hmangin kapkai ani a, 3,850 kg a rik niin orbiter (satellite), lander le rover hai a phur a nih.
Chandrayaan 2 hi ni 48 hnunga Thlapa ah rover (robot) an tum tir tum a nih. Hi thil hi a hlawtling chun Thlapa a soft landing (damte a intum tir) thaw thei rambung a palina a ni ding a nih. India hma hin US, Russia le China in an lo hlawtling taa, tuta India in rover an tumtir tumna hmun tak hi South Pole a ni a, a hlawtling chun South Pole ah a vawikhatna ding a la nih. Chandrayaan 2 hi Indian Space Research Organisation (ISRO) siem niin, hi mission a ding hin Rs 978 crore vel seng a nih. Chandrayaan 2 Rover hi ni 14 sung chau sin thaw thei dinga induong niin thlapa hung insieng dan le tui a um le um naw hai a suichieng tum a nih. India hin kum 11 liem tah khan Chandrayaan 1 chu hlawtling takin a lo kapkai taa, hi tum hin Moon Impact Probe le lunar orbiter hai a lo kapkai tah in August 29, 2009 khan a hringna a lo bo tah a nih.
Chandrayaan 2 hi ni 48 hnunga Thlapa ah rover (robot) an tum tir tum a nih. Hi thil hi a hlawtling chun Thlapa a soft landing (damte a intum tir) thaw thei rambung a palina a ni ding a nih. India hma hin US, Russia le China in an lo hlawtling taa, tuta India in rover an tumtir tumna hmun tak hi South Pole a ni a, a hlawtling chun South Pole ah a vawikhatna ding a la nih. Chandrayaan 2 hi Indian Space Research Organisation (ISRO) siem niin, hi mission a ding hin Rs 978 crore vel seng a nih. Chandrayaan 2 Rover hi ni 14 sung chau sin thaw thei dinga induong niin thlapa hung insieng dan le tui a um le um naw hai a suichieng tum a nih. India hin kum 11 liem tah khan Chandrayaan 1 chu hlawtling takin a lo kapkai taa, hi tum hin Moon Impact Probe le lunar orbiter hai a lo kapkai tah in August 29, 2009 khan a hringna a lo bo tah a nih.
