Responsive Ad Slot

Hmar nunghak medical doctor thar- Carolyne J. Lalhruaitluangi

Thursday, August 1, 2019

/ Posted by Simon L Infimate
Aizawl, August 1, 2019, Virthli (ONP): Thiemna le varna hi hnam danghai ta bikah i ngai hlak a ni?. Hmar nunghak hai chun thiemna le varna ah ruol an el phak zie an suk lang nawk tah.
Dr. Carolyne J. Lalhruaitluangi, Pu J. Lalchhanhima, Vice President, Hmar Inpui, Gen. Hqrs a naunu chun Ukraine, Russia ah MD Gen. Medicine (Equivalent to MBBS in India) ṭhataka a zo hnungin July ni 31, 2019 khan India ramah doctor sin thawtheina di'n National Board of Examination (NBE) i buotsai Medical Council of India Screening test or Foreign Medical Graduates Examination (FMGE) chu a lo paltlang der tah.



Carolyne hin 2010 khan Mizoram Board of School Education (MBSE) hnuoiah Class-XII (Sc) ṭhataka a pass hnungin Christian Medical College , Vellore ah MBBS inchulûk dingin an ziek tlinga, amiruokchu a seat hmunaah sukbuoi a ni leiin foreign quota in Creamia State Medical Unversity (CSMU), Ukraine, Russia ah a luta, kum 2016 khan ṭhatakin MD Gen. Medicine hi a zo a nih.
CSMU hi India in a pawm foreign medical institution hai laiah a ṭhapawl nia ngai a nih.
Carolyne hi lekhathiem theitak a nia, Russia ah MBBS an chuklai hin an batch a a thawṭha pawl a nia, 1st year a lem chu Subject ṭhenkhat haiah topper a ni nghe nghe.

Kum 2002 a'nthawk khan India sawrkar chun India puotieng (foreign) hieng- inhmata Soviet union (USSR) ei ti hlak rambung hai, China, Nepal, Eastern European countries, Philippines le Carribean countries-a medical degree zo hai chu India rama an practice theina dingin MCI screening Test or FMGE a buotsai ṭana.

Tuta ṭuma hin FMGE hi mi 13,364 velin an exama, mi 2,767 chauin an paltlang a nih.
Carolyne baka hin Mizoram anthawkin Lunglei mi Lalhruaizeli khawm an ziektling nia hriet a nih.
A chunga ei tarlang ang khin Carolyne hi Hmar Inpui Vice President Pu J. Lalchhanhima le Pi Ramhlunmawii hai nau pathumna a na, an ureng laia naupangtak Veronica J Hmar khawm hi Haryana ah Bachelor of Dental Surgery (BDS) inchûk lai mêk a nih.

Pu J Chhanhima hai sung hi Zonuam, Aizawl ah in le lo nghet neiin an khawsa mek a nih.
Don't Miss
© all rights reserved
made with by Simon L Infimate