Responsive Ad Slot

Dima Hasao District Bifurcation thu ah IPF han Pu Himanta Biswas Sarma an hmu

Saturday, July 6, 2019

/ Posted by Simon L Infimate
Guwahati, June 5, 2019, Virthli (ONP): Zanikhan Indigenous Peoples' Forum (IPF) Palai hai le Pu Himanta Biswas Sarma, Hon'ble Finance Minister Government of Assam le Convenor NEDA hai chu Dispur hmunah IPF Demand chungthu a inbiekna an nei. Hi huna hin IPF palai hai chun Assam sawrkar in Dima Hasao District pahni a ṭhe dinga an tiem anga Budget a tlângzâra um ta chu vawisûn ni chena sufel loa um chu IPF haiin Boundary Demarcation Committee indina ṭhe vat dingin ngena an siem a. Hi an ngenna hi pawmpuin 5th July khan Pu Himanta  Biswas Sarma chun Demarcation Committee indina Boundary sukfeltu dingin Hills Area Development Commissioner chu hma la nghal dingin lekha CM kuoma a pêk nghal bawk. Chun, Boundary hi IPF in ei ni hnam inzawmkhâwm hai demand map ang taka ṭhe dingin Assam Government chun a remtipui bawk. Hi map sûnga hin IPF milesa 80% vêl um dinga riruong siem a nih.


Pu Himanta Biswas Sarma chun District ṭhe hi state thuneina a um ani a, kan pêk ta cheu a, amiruokchu Autonomous Council țhe ruok hi chu Central sawrkar subject ani leiin IPF demand le inzawmin Central sawrkar an biek theina dingin iengkim an buotsai pêk ding thu a hril bawk.
Don't Miss
© all rights reserved
made with by Simon L Infimate