Rengkai, June 17, 2019, Virthli (ONP): Hmar Students' Association, Rengkai Unit chun vawizan dar 7:00 PM khan The Blue Room, Life Cafe ah kum 2019 a Rengkai khuoa Cl-X le XII exam-a hlawtlingna changhai lawmpuina neiin athaw tha bik zuol hai kuomah Award le Memento inhlanna hunser hmang an hmang. Hun hmangna hi Mr. S. Lalramhlun, Secy. Education, HSA Rengkai Unit in a keithuoia, Pu L. Hmingsang Joute in hun hawng tawngtaina a nei a, Mr. Lungruolpui Sungte, Secretary, HSA Rengkai Unit in lawmlutna thucha hrilna a nei.
Hi huna Khuollien dinga ti Pu M. Gouzamang Guite, MDC, ADDC chu remchang nawna leiin a hung thei naw a, a aiin Mr. Lalthanzau, Social Worker a hung tir a. Khuollien Mr. Lalthanzau, Social Worker in thu a hrilna a chun inchuklai fekhawm hai kuomah ringumna le taimakna neia lekha inchuk dingin an fui a, an inchukna hai ah Pathien theinghil lova tumru le taima taka inchuk dingin an fui tawl. Hi hunser hmang huna Pu Lalramsang Infimate, MCS, Addl. Deputy Commissioner, Kangpokpi in thu a hrilna a chun inchuklai hai chu hma tieng peia hai competitive exam le exam chi hrang hrang pe ding an la ni leiin an subject hai bakah an inchuk chanpui hai laia an filawr bik theina dingin general knowledge, magazine, newspaper le lekhabu dang dang hai tiem hlak dingin an fui tawl. Hi huna hin hi hunser hmang dinga fiela um- Rengkai VA, Val Upa, HI GHQ, HSA GHQ, HSA Ccpur JHQ han thuhrilna hun an nei a, nu-le-pa tienga inthawk khawmin thuhril ngaithlak a nih.
Mr. Darthangsang, Vice- President, HSA Rengkai Unit in Award inhlanna hunser a hmang a. Rengkai khuoa Kum 2019 a Cl- X exam-a an sangtak- Ms. Kandaki Vanhlupui d/o Pu Lalsiemlien kuoma le a dawttu Ms. Emma Hmar d/o Pu Gabriel Hmar hai kuomah "H. Thuomte Memorial Award" (Memento +Cash prize) inhlan an ni a; kum 2019 a Cl- XII exam na a an sangtak- Mr. Joshua Lalditsak Infimate s/o Pu Lalnunsang Infimate le a dawttu Ms. Malory Thangsuokim d/o (L) Malsawmthang hai kuomah " Kholpi Joute Memorial Award" ( Memento+ Cash prize) inhlan an nih. Hi huna hin Rengkai HSA Unit chun Award donors hai chungah an lawmthu an hril.
Program hmang huna hin Nk. Florence Sungte in hnam hla mawi tak el sakin mipui fekhawm hai an awi a, Vote of thanks Mr. Gulith Hriler, President, HSA Rengkai Unit in a hril a, hun khar tawngtawina Rev. Joseph Joute in a nei zoin hun khar a nih.
Hi huna Khuollien dinga ti Pu M. Gouzamang Guite, MDC, ADDC chu remchang nawna leiin a hung thei naw a, a aiin Mr. Lalthanzau, Social Worker a hung tir a. Khuollien Mr. Lalthanzau, Social Worker in thu a hrilna a chun inchuklai fekhawm hai kuomah ringumna le taimakna neia lekha inchuk dingin an fui a, an inchukna hai ah Pathien theinghil lova tumru le taima taka inchuk dingin an fui tawl. Hi hunser hmang huna Pu Lalramsang Infimate, MCS, Addl. Deputy Commissioner, Kangpokpi in thu a hrilna a chun inchuklai hai chu hma tieng peia hai competitive exam le exam chi hrang hrang pe ding an la ni leiin an subject hai bakah an inchuk chanpui hai laia an filawr bik theina dingin general knowledge, magazine, newspaper le lekhabu dang dang hai tiem hlak dingin an fui tawl. Hi huna hin hi hunser hmang dinga fiela um- Rengkai VA, Val Upa, HI GHQ, HSA GHQ, HSA Ccpur JHQ han thuhrilna hun an nei a, nu-le-pa tienga inthawk khawmin thuhril ngaithlak a nih.
Mr. Darthangsang, Vice- President, HSA Rengkai Unit in Award inhlanna hunser a hmang a. Rengkai khuoa Kum 2019 a Cl- X exam-a an sangtak- Ms. Kandaki Vanhlupui d/o Pu Lalsiemlien kuoma le a dawttu Ms. Emma Hmar d/o Pu Gabriel Hmar hai kuomah "H. Thuomte Memorial Award" (Memento +Cash prize) inhlan an ni a; kum 2019 a Cl- XII exam na a an sangtak- Mr. Joshua Lalditsak Infimate s/o Pu Lalnunsang Infimate le a dawttu Ms. Malory Thangsuokim d/o (L) Malsawmthang hai kuomah " Kholpi Joute Memorial Award" ( Memento+ Cash prize) inhlan an nih. Hi huna hin Rengkai HSA Unit chun Award donors hai chungah an lawmthu an hril.
Program hmang huna hin Nk. Florence Sungte in hnam hla mawi tak el sakin mipui fekhawm hai an awi a, Vote of thanks Mr. Gulith Hriler, President, HSA Rengkai Unit in a hril a, hun khar tawngtawina Rev. Joseph Joute in a nei zoin hun khar a nih.
