Tuithaphai, June 14, 2019, Virthli (ONP): Dr. Chaltonlien Amo, Tipaimukh MLA hmalakna hnuoiah June 13, 2019 khan VTI, Muolhlum, Rengkai ah inrawntlangna le hnam chungchungah meeting nei a nih. Hun hmangna hi Pu L. Thanzam Pulamte, Gen. Secy., HNU GHQ in a keithuoia, Hmar politician (Manipur a MDC, EM), Tuithaiphaia Hmar khuo tin a Khuo Lal le Village Authority members han inrawntlangna le hma tienga hma lak dan ding hai hril tlangna hun an nei.
Hi huna Pu Dr. Chaltonlien Amo, Tipaimukh MLA in thu a hrilna a chun a biel sung- Tipaimukh biel a hai inzinin le meeting le inrawntlangna hai lo nei rawp ta sien khawm, Hmar tawng hmang po po hai MLA a ni na angin Tuithaphai a Hmar tawng hmang hai lai inrawntlangna hai a nei nuom lei le hnam hmakhuo a ngaipawimaw leia hieng ang meeting hi a huoihawt el a ni thu a hril a. Demna le hrilsietna hai tuok hlak sien khawm hnam thuoitu le hnam rawngbawltu ni dinga mipuiin MLA ni dinga an thlang tling chu pawmin 'Pa' chan changin hma tieng panin hnam ta din hma a lak zawm pei ding thu a hril a, thurawn le suggestion tha tak tak pe nuom hai ta din kawt lien tak a hawng thu a hril bawk. A hril peina a chun Hmar hai popo MLA a ni na angin hnam in buoina a tuok huna hai, Tamenglong, Kangpokpi, Jiribam le Tuithaiphai huop sunga khuo hai nisien, a thaw thei ang ang a suo ve hlak thu a hril a, hma tieng peia hai inthuruol taka hma lak dan ding thuah hi huna fekhawm hai inrawntlangna hun uluk takin a neipui tawl. Pu Dr. Amo chun hi huna hin ei hnamin iem ei mamaw a? Ei hnamin vawisun hin ieng harsatna am ei tuok a? Ei hnam sunga inremna le muongna a um theina din ei rengin mawphurna ei nei a, chuong ani chun iem thaw tang ei ta? Politics a hin ieng am a na ei policy ding? ti le topic dang dang haiah inrawntlangna hun ursun takin nei a nih.
Hi inrawntlangna a hin Tuithaiphaia hmar khuo tin a palai fekhawm han thuhrilna hun an nei a, Pu Lalhrillien Zote, EM, ADDC anthawkin hnam ta dinga a hmathlir le hma tienga hma lak dan ding hai fumfe takin a hril a, Special invitees Pu Francis Songate, Gen. Secy., Hmar Inpui khawma tulaia HI hmalakna hai ursun takin hrilna a nei . Hi huna hin Tuithaphaia khuo tin a Village Chief/Chairman, Village Authority le Special Invitees han lungruol takin thupuong(declaration) an siem;
1. Ei hnam sunga inremna le muongna a um theina dinga Hmar Inpui hmalakna ṭha kan ti a,Members inkhawmhaiin thei ang ang a thlawp ṭha kan tih.
2. Pherzawl District le Saikot Sub-Division pieng thar hai hi hma a sâwn lem le a function ṭhat nâwk zuol na dingin a ṭul le thei ang anga ṭhangpui kan in tiem.
3. Hmar National Union Block No.5( Tuiṭhaphai biel) a hrat nâwk zuolna dingin khawtin ah Unit sukhrat le suktharna um sien kan tih.
4 . Pu Dr. Chaltonlien Amo, MLA le HNU Gen. President in hieng anga inkhawm koa inrawntlangna le hriltlangna hun a mi siempek hi a chungah kan lawm takzet a nih.
Hun khar tawngtaina le ruoi inhlanna Rev. Dr. Lalhmuoklien in a nei zoin ruoi kiltlang a ni a, hieng ang inrawntlangna le inpawltlangna hi hma tieng peia khawm um nawk rawp sien ti an nuom thu hi huna fekhawm han Virthli Palai an hril.
Hi huna Pu Dr. Chaltonlien Amo, Tipaimukh MLA in thu a hrilna a chun a biel sung- Tipaimukh biel a hai inzinin le meeting le inrawntlangna hai lo nei rawp ta sien khawm, Hmar tawng hmang po po hai MLA a ni na angin Tuithaphai a Hmar tawng hmang hai lai inrawntlangna hai a nei nuom lei le hnam hmakhuo a ngaipawimaw leia hieng ang meeting hi a huoihawt el a ni thu a hril a. Demna le hrilsietna hai tuok hlak sien khawm hnam thuoitu le hnam rawngbawltu ni dinga mipuiin MLA ni dinga an thlang tling chu pawmin 'Pa' chan changin hma tieng panin hnam ta din hma a lak zawm pei ding thu a hril a, thurawn le suggestion tha tak tak pe nuom hai ta din kawt lien tak a hawng thu a hril bawk. A hril peina a chun Hmar hai popo MLA a ni na angin hnam in buoina a tuok huna hai, Tamenglong, Kangpokpi, Jiribam le Tuithaiphai huop sunga khuo hai nisien, a thaw thei ang ang a suo ve hlak thu a hril a, hma tieng peia hai inthuruol taka hma lak dan ding thuah hi huna fekhawm hai inrawntlangna hun uluk takin a neipui tawl. Pu Dr. Amo chun hi huna hin ei hnamin iem ei mamaw a? Ei hnamin vawisun hin ieng harsatna am ei tuok a? Ei hnam sunga inremna le muongna a um theina din ei rengin mawphurna ei nei a, chuong ani chun iem thaw tang ei ta? Politics a hin ieng am a na ei policy ding? ti le topic dang dang haiah inrawntlangna hun ursun takin nei a nih.
Hi inrawntlangna a hin Tuithaiphaia hmar khuo tin a palai fekhawm han thuhrilna hun an nei a, Pu Lalhrillien Zote, EM, ADDC anthawkin hnam ta dinga a hmathlir le hma tienga hma lak dan ding hai fumfe takin a hril a, Special invitees Pu Francis Songate, Gen. Secy., Hmar Inpui khawma tulaia HI hmalakna hai ursun takin hrilna a nei . Hi huna hin Tuithaphaia khuo tin a Village Chief/Chairman, Village Authority le Special Invitees han lungruol takin thupuong(declaration) an siem;
1. Ei hnam sunga inremna le muongna a um theina dinga Hmar Inpui hmalakna ṭha kan ti a,Members inkhawmhaiin thei ang ang a thlawp ṭha kan tih.
2. Pherzawl District le Saikot Sub-Division pieng thar hai hi hma a sâwn lem le a function ṭhat nâwk zuol na dingin a ṭul le thei ang anga ṭhangpui kan in tiem.
3. Hmar National Union Block No.5( Tuiṭhaphai biel) a hrat nâwk zuolna dingin khawtin ah Unit sukhrat le suktharna um sien kan tih.
4 . Pu Dr. Chaltonlien Amo, MLA le HNU Gen. President in hieng anga inkhawm koa inrawntlangna le hriltlangna hun a mi siempek hi a chungah kan lawm takzet a nih.
Hun khar tawngtaina le ruoi inhlanna Rev. Dr. Lalhmuoklien in a nei zoin ruoi kiltlang a ni a, hieng ang inrawntlangna le inpawltlangna hi hma tieng peia khawm um nawk rawp sien ti an nuom thu hi huna fekhawm han Virthli Palai an hril.
