~ Jami Darngawn
Ahmasan hi khawvel var hmu thei dinga Pa/Pahai mi petu Lalpa ei Pathien chu inpakin um raw seh.
Father's Day a hin kan siengna ka Pa ka hrietsuok zie a, sienkhawm hi khawvel a hin ka Pa chu a tak hmel hmu ding a um ta nawh. Ka Pa chun hi khawvel a lo suoksanna a lo sawt ta lei khawm ning a ta, a thlalak khawm hmu ding a vang ta hle a nih. Amiruok chu ka Pa'n a damlaia a thu min cha pakhat Father's Day puolin suklang ka nuom a nih.
Ka Pa chun "Bawihai, nunghâk hung ni el ding inni ta leiin thu inchang ka ti cheuva ṭha deuin lo ngai ro, tlangvâl/pasal mi tu el khawm nisienla Hnam dangkhawm lo nisien, an lo hmangai cheuva nangni khawma inhmangai tak tak a ni phawt chun in innei ding khap nawng ka cheu. Amiruokchu pasal in va nei ta chun in tieng hung kir/inṭhe ti hai kha a tumin hung tum reng reng naw ro aw? In damsunga dingin pasal innei ding a nih" tiin kan unau chu ka Pa'n thu a min cha a nih.
Tuhin pasal ka neina kum 21 a tling tah a, ka pasal le inhmu thiem naw chang le iem a ni deu chang kan nei ve bawk hlak a chu, ka Pa thu min cha kha a hung inlang vang vang hlak. Vawikhat khawm in tienga "Zam/Tlan" ti hai kha ka la nei naw hi Pathien le ka Pa zar chauh a nih. Pathien zara ka dam chun ka Pa thu min cha hi ka damsungin zawm/vawngṭhat ka tum a nih.
(Thuziek hun June 16, 2019 a nih)
"Pa ! Ka hmangai che.
Hi khawvel a hin i sakhmel hmu ding um ta naw sienkhawm, I ṭawngkam hlutak le ropui tak kha ka la vawngṭha zing a nih aw Papa !"
Ani ngei, vawisun Father's Day a hin mi tamtak chun an insiengna Pa chu neiin hmangaitu ding an nei leiin ei lawmpui em em a nih. Amiruokchu, kei anga Pa nei ta lo khawm ei lo um el thei, sienkhawm lungngai ding ei ni nawh, Pa mi petu ei Pathien chu Pa nei lo hai Pa le, Pa neihai ta ding khawma Pa ni bawk hi, ei Pa tak tak chu a nih.
Pathienin Ama angpuia Pa/Pasal a lo siem hi a va ropui ngei de!
Pahai umnaw sien chu khawvel khawm hi umzie bo ning a tih !
Pahai hlutzie hriet hi mi Siemtu chung Pathien lawmzawng ningei a tih !
Pahai le Pa la hung ni pei dinghai khawm Pathien angpuia siem in nih ti kha theinghil naw in la, Patling taka insung, Kohran, Khawtlang hmangai taka enkhawl/ṭhuoipei dingin kan ditsak cheuin, chu ding chun chung Pathienin malsawmin chelzing raw sen cheu.
Pahai Dam vawng vawng ro.
HAPPY FATHER'S DAY !
Ahmasan hi khawvel var hmu thei dinga Pa/Pahai mi petu Lalpa ei Pathien chu inpakin um raw seh.
Father's Day a hin kan siengna ka Pa ka hrietsuok zie a, sienkhawm hi khawvel a hin ka Pa chu a tak hmel hmu ding a um ta nawh. Ka Pa chun hi khawvel a lo suoksanna a lo sawt ta lei khawm ning a ta, a thlalak khawm hmu ding a vang ta hle a nih. Amiruok chu ka Pa'n a damlaia a thu min cha pakhat Father's Day puolin suklang ka nuom a nih.
Ka Pa chun "Bawihai, nunghâk hung ni el ding inni ta leiin thu inchang ka ti cheuva ṭha deuin lo ngai ro, tlangvâl/pasal mi tu el khawm nisienla Hnam dangkhawm lo nisien, an lo hmangai cheuva nangni khawma inhmangai tak tak a ni phawt chun in innei ding khap nawng ka cheu. Amiruokchu pasal in va nei ta chun in tieng hung kir/inṭhe ti hai kha a tumin hung tum reng reng naw ro aw? In damsunga dingin pasal innei ding a nih" tiin kan unau chu ka Pa'n thu a min cha a nih.
Tuhin pasal ka neina kum 21 a tling tah a, ka pasal le inhmu thiem naw chang le iem a ni deu chang kan nei ve bawk hlak a chu, ka Pa thu min cha kha a hung inlang vang vang hlak. Vawikhat khawm in tienga "Zam/Tlan" ti hai kha ka la nei naw hi Pathien le ka Pa zar chauh a nih. Pathien zara ka dam chun ka Pa thu min cha hi ka damsungin zawm/vawngṭhat ka tum a nih.
(Thuziek hun June 16, 2019 a nih)
"Pa ! Ka hmangai che.
Hi khawvel a hin i sakhmel hmu ding um ta naw sienkhawm, I ṭawngkam hlutak le ropui tak kha ka la vawngṭha zing a nih aw Papa !"
Ani ngei, vawisun Father's Day a hin mi tamtak chun an insiengna Pa chu neiin hmangaitu ding an nei leiin ei lawmpui em em a nih. Amiruokchu, kei anga Pa nei ta lo khawm ei lo um el thei, sienkhawm lungngai ding ei ni nawh, Pa mi petu ei Pathien chu Pa nei lo hai Pa le, Pa neihai ta ding khawma Pa ni bawk hi, ei Pa tak tak chu a nih.
Pathienin Ama angpuia Pa/Pasal a lo siem hi a va ropui ngei de!
Pahai umnaw sien chu khawvel khawm hi umzie bo ning a tih !
Pahai hlutzie hriet hi mi Siemtu chung Pathien lawmzawng ningei a tih !
Pahai le Pa la hung ni pei dinghai khawm Pathien angpuia siem in nih ti kha theinghil naw in la, Patling taka insung, Kohran, Khawtlang hmangai taka enkhawl/ṭhuoipei dingin kan ditsak cheuin, chu ding chun chung Pathienin malsawmin chelzing raw sen cheu.
Pahai Dam vawng vawng ro.
HAPPY FATHER'S DAY !
