Aizawl, 22 May, 2019, Virthli (ONP): Mizoram Vigilance Department chun vawisun May ni 2, 2019 khan Sinlung Hills Council (SHC) chu kum 2018-2019 financial year sunga New Economic Development Policy (NEDP) sum a hmang dan chungchangah thlakhat sung inhrilfie dingin an hriettir.
Thudawngna in a hril danin tulai hnai khan HPC General Headquarter president nia insal (self styled president) Pu Lalrosiem ni dinga ring chun Vigilance department ah complaint thelûtin, SHC in kum 2018-2019 sunga NEDP sum a hmangna ah thil felhlel/felnaw a um tiin a hêka, hi le inzawm hin vigilance department chun vawisun khan SHC Secretary kuomah lekha thawnin NEDP sum nuoi 50 an hmangna hrilfie dingin an hriettira, May ni 31 chen SHC hi hun pek a nih.
Nikum (2018-2019) financial year sung khan SHC chun additional fund angin NEDP sum nuoi 50 a dawnga, hi sum hi a á¹ul dan izira hmang hlak a nih.
SHC thuneituhai a'nthawka thu ei dawng danin cheng nuoi 50 hi state treasury in a passed fel tah bakah, council account a khawm a lut tah a. Amiruokchu a reng maramin hmang zo a la ni nawa, work estimate (sin um dan le seng ding zat) izirin bank a'nthawkin lâk dawk hlak a nih.
SHC thuneituhai chun May thla sung ngei hin hrilfiena peklût an tum thu an hrila, sum hmang dan kawngah harsatna le indiknawna umin an hrietnaw thu an hril.
Thudawngna dangin a hril danin vawisun bawk khan Pu Lalrosiem chun Aizawl Police station ah First Information Report (FIR) thelûtin SHC CEM Pu Lalthlamuana Hmar le Planning Board Member pahni- Pu LT Hmar@ Lalthanglien le Pu Lalthachhunga hai chu HPC lemchanga intumin dân le thupek kengkawtuhai kuomah a á¹ul anga hma la dingin a ngen a nih.
Hi chungchang le inzawma Sinlung Hmathlir in Pu Lalrosiem a biek tumna chu network á¹hatnaw leiin a tlawl a nih.