Responsive Ad Slot

Upa HC. Jaikung ei lo the tah

Tuesday, May 7, 2019

/ Published by Simon L Infimate
CCPur, May 07, 2019, Virthli (ONP): Upa HC. Jaikung EE (Retd) (June 1930 - May 2019), Sielmat chu chawhnung dar 02.35PM khan a chatuon ram a mi lo pan san tah a nih. A ruong hi zingah Sielmat thlanmuolah vuiliem ning a tih.

Upa HC. Jaikung hi Pu Lalthankunga Hmar, Superintendent of Custom, Aizawl, HSA General Headquarters a adviser ni bawk le Rev. Benjamin Shakum hai piegna pa a nih.


A nat dân: Upa HC Jaikung hi pa hrisêltak a ni a, kum 2016 khan insawisêl Å£anin doctor hai pan a ni a. Zunthlum a nei ti hung hmu suok a ni a. Chuonga a’nenkawl lai mêk chun Å£hat tieng pan hlei thei lovin doctor hai râwn nâwkin a chuop ah Fungal infection a nei ti hmusuok a ni nâwk a. Damdawia inenkawlin doctor hai khawm vawi tam pan pui a nih. Amiruokchu, upa tieng a lo ni ta bawk leh a damdawi hai khawm chu a taksain a thawhla ta em em a. Å¢um hnih, tarik 15.03.2019 le tarik 05.04.2019 khan Advanced Hospital Imphal-ah admit a ni a, hma a sawn hlei theinaw leiin tarik 27.04.2019 khan Sielmat Christian Hospital ah inenkawl dingin admit nâwk a nih. Ni 03.05.2019 khan intienga inenkawl dingin hospital suoksan a ni a, Å£hat tieng pan hlei thei ta lovin tarik 07.05.2019 chawhnung dar 02.35 pm khan chatuon ram a mi lo pan san tah a nih.

Upa HC Jaikung hi June 1930 khan Pherzâwl, Manipur-ah Rev Dawnthâwm (Shakum) le Tinsing (Songate) inkâra pieng, unau 10 laia a upatak a inthawka a pali-na a nih. 15.03.1960 khan Manliani Ralte of Saikawt leh Rev Chawnga Pudaite kutah an innei a.
A pa Rev Dawnthâwm hi 1921 khan Missionary in a suok a, hun iemani chen hnungah hriselnâwna leiin Evangelist teacher sin thaw dingin 1938 khan Talan ah an inpêm a. Talan-a a pa school ah A Aw inchûk Å£anin, Class-I chen anchûk zova. A pa hnuoia a’nchûk thei tanaw leiin Pherzawl-ah Lâwr (Class-II) a’nthawkin Class-VI chen a’nchûk a. Old Churachandpur NEIG Mission school ah bu suong a inhlaw pumin Class –VII a pass a, chu zovah Residential High School, Imphal a inthawkin Class-X (Matric), Calcutta University hnuoia1953 khan a pass a nih. DM College ah Intermediate Arts (Commerce) a’nchûk zova, insûngtieng harsatna leiin 1954 khan Army Ordinance Corps, Jabalpur ah Sepoy Clerk dingin a lût a, kum 2 a thawk hnungin 1956 khan Diploma in Civil Engineering, Imphal ah inchûk nâwkin, 1958 September thla khan Manipur sorkar hnuoiah sin a  hmu a, 1959 khan Development Department hnuoia Churachandpur Block ah Section Officer in a um a. Hi Å£um hin thingtlâng ah Mâutâm leiin Pherzâwla a pa le a sung hai Å£huoisuokin Khawmawi, Churachandpur ah an inbêngbel a. Churachandpur a a posting zovin Mao ah a’nsawn a, chun Kangpokpi TD Block ah sawn a ni nawk a. Kangpokpi a a um lai hin Sangaiprou Mamang Leikai, Airport Road, Imphal ah inhmun inchawin in a bâwl a, chutaka chun an sungkuoin an khawsa a nih. Kum 1972 khan PHED Department ah AE ah promotion in hmun hran hranah sawnin a um a. 1983 khan PWD ah EE ah promotion a hmu a, Hmar laia EE kai hmasatak a ni nghe nghe a nih. Kum 1992 khan Imphal suoksanin Sielmat, tuta a chengna in a hin insawnin kum 1994 khan sorkar a inthawkin pension in a lo châwl tah a nih.

Kohran Ram: Upa HC Jaikung hi a chin têt a inthawka Pathien Å£i mi tak a ni a, naupangte a nilaia inthawkin ChanchinÅ£ha bumal hai tiemin, Nilai Zân-a hai khawm châng a hril zie hlak a, Nilai zân Å£antu a dâmin an ruot bawk hlak. 1945 khan Pherzâwl ah an inpêm nâwk a, Pherzâwl ah1947 khan Revival ropuitak a tlunga, “Thisenhlu, Thisenhlu” ti hla hmangin a piengthar a, hi taka inthawk hin Pathien thu chu invêt chilin khawlaidunga hai a khêkpui a. Imphala an um hnungin Hmar Company ah kohran hai inrawiin theitâwpin Pathien rawng a bâwl a. Kum 1970 khan Manipur sorkarin Orissa a training dingin a tir a. Å¢um khat chu zântieng dar 3 vel hin, a tui insil hma charin VISION a hmu a, Pathien leh darker hni vel inbiekna an nei a. Hril suok lo ding (confidential) thil hai chen khawm Pathienin a’nhriettir a. Hril ding a ti hai chu; (i) Damsûnga Isu Krista sandamna puong (ii) Sandamna changta hai um dân ding lekhabua ziek (iii) Imphal khawpui sûnga Gospel Tracks semdar hai a nih. Chutaka inthawk chun Lalpân a hril hai chu sukpuitling dingin theitâwp a’nsuo a, Kristien magazine hai a’nsuo a, Gospel Tracks hai semin, Home Crusade hai neiin Revival hai chen Å£huoiin Pathien thu hrilin Jairawn, Hmarkhawlien, Chandel, Hmarbiel, Vangai, Churachandpur, Moreh, Tamu (Myanmar), Imphal Meitei lai le hmun dang danga hai Crusade hai neiin a hun hai a hmang hlak a, Pathien Å£huoina nasatak a dawng bawk. Kum 1980 khan ICI Sanjengthong, Imphal ah Upa dinga thlangtling a ni a, EFCI-a a um hnung khawmin Kohranah mawphurna tamtak a phur a, District Chairman, Secretary, Finance, Assembly Auditor, Councillor le Committee dang dang a hai a theitâwpin Lalpa ramah rawng a lo bawl hlak a nih. Lekhabu khawm pathum a ziek a (i) Inpumpekna(1972) (ii) Kristien Hringna Thuruk (1978) (iii) ChanchinÅ£ha Tluontling (2016).


Don't Miss
© all rights reserved
made with by Simon L Infimate