Responsive Ad Slot

The 16th State Level Hmar Martyrs Trophy 2nd Semi Final Match

Monday, May 13, 2019

/ Published by Simon L Infimate
CCPur, May 13, 2019, Virthli (ONP): HMARTOB huoihawtna hnuoia The 16th State Level Hmar Martyrs' Trophy 2019 2nd Semi Final chu vawisun, May 13, 2019 dar 2:30 PM khan nei a nih. Hi huna hin Khuollienin Pu Laltanpui Hmar, Social Worker a thang a, thu a hril hunah hnam in inpumkhatna a mamaw zie thu ursun takin a hril. Hi huna hin Pu Lalhrietzing Famhoite, Vice- Chairman, HMARTOB in khuollien chawimawina thilpek memento inhlanna hun a hmang a. Khuollien khawma HMARTOB hai thilpek ropui tak el inhlanna a nei ve. Hi huna hin HMARTOB Chairman- Pu Lalvullien Hmar khawma HMARTOB ta dinga Khuollienin a thaw hlawk zie le HMARTOB hai an tlawmngaina le an sawl zie hre a bufak tlangna hai chen a lo nei pui ta chu lawmum a ti thu le hnam ta dinga an pekzona chu lawmum a ti thu a hril.

Hi hunser hmang huna hin Artiste- Nk. Clearance Mawite, Nk. Mercy Lalumpui ha'n hnam hla mawi tak tak sakin mipui fekhawm hai an awi. Saikot Youth Club chun KIM Commissariat FC 3-2 a hnein Final an lut. Man of the Match in SYC player- Jerry Pulamte thlang a ni a, match inkhel zo a ni hunah khuollienin prize inhlanna a nei. May 16, 2019 hin Final match Saikot Youth Club le FAST, Rengkai in inkhel an tih.

Photographs by Muona Infimate

Don't Miss
© all rights reserved
made with by Simon L Infimate