Pu Rualkhuma Hmar ei lo ṭhe tah

Simon L Infimate
Aizawl, 13 May, 2019, Virthli (ONP): Pu Rualkhuma Hmar s/o Thanghuta (L), tuta College Veng, Aizawl a khawsa mek chu vawizan dar 9:25 khan kal natna leiin Kolkata Tagore Hospital, Mukundapur ah a Lalpa ângsungah chawl dingin a mi lo maksan tah.

Pu Rualkhuma Hmar hi MNF general headquarters-a adviser le Legal Board Chairman ni lai mek a nia, politics a zawm hma hin Hrangbana College-ah lecturer sin lo thaw hlak tah a nih.
Ama hi Ukil niin ziekmi a ni bawka, Hmar hnam ta dinga theitawpa ṭhang lo la hlaktu, HPC movement vanglaia man a umhai, thei ang anga lo buoipui hlaktu a ni bakah HSA Aizawl Joint Headquarters a khawm adviser lo ni ta hlak a nih.

Kum 1992 a HSA in Pu K.L. Berema in Bawngkawnah Sikpuiruoi a huoihawt tum in Organising Committee ah a lo ṭhang ta bawk.

Kum 2008 khan ZNP ticket in Tuichang biel, Champhai district ah MLA a lo in candidate ta bawk nia hriet a nih.
A ruong hi Aizawl tieng phur tung dinga buoipui mek a ni thu, MNF general headquarters a ei thulâkna chun a hril.

Lusûn sungkuohai ei tuorpuiin Lalpa'n umpui mawl raw se.


Tags

#buttons=(Ok, Go it!) #days=(20)

Our website uses cookies to enhance your experience. Learn More
Ok, Go it!
To Top