Responsive Ad Slot

Pu (L) Lalropui Famhoite a thi champha le a naunu Ms. Jennifer Zosangmawi HSLC exam-a a hlawtlingna chang ursun taka inser le lawmpuina hun hmang

Wednesday, May 22, 2019

/ Posted by Simon L Infimate
Saikot, May 22, 2019, Virthli (ONP): Pu (L) Lalropui Famhoite, Chairman, UPF& Commander-in-Chief, HPC(D) GHQ, a kum khat thi champha ursun taka inserna le a naunu Ms. Jennifer Zosangmawi in HSLC exam 2019 a 1st Div. (77.5%) a hlawntlingna a chang lawmpuina hunser vawisun May 22, 2019 dar 11:30 AM khan an chengna In, Saikot ah ursun takin hmang a nih. Hun hmangna hi Pu Ramsanlien Hmar, Gen. Secy., Hmar Returnee Association in a keithuoia, hun hawng tawngtaina  Rev. Lalnghatlien Songate in a hmang a, Pu L.K Hmar, C-in-C, HPC(D) GHQ in lawmlutna thucha hrilna hun a hmang.

Hi hunser hmang huna hin Pu Vungzagin Valte, MLA, 56-Thanlon A/C, ZRA/ZRO thuoitu, ZDV thuoitu , Hmar Inpui GHQ thuoitu le HI GHQ a Affiliated bodies a thuoituhai a'nthawk le mimal a inthawkin Pu Lalropui an sun zie thu, a chanchin hrilna le a naunu Ms. Jennifer in pawlsawm a pass lawmpuina thu hai hrilna hun an hmang.

Hi huna hin Rev. Lalhmingthang Famhoite, EFCI in Pu (L) Lalropui a nuhmei le a nauhai tawngtaipekna hun a hmang a, Rev. V. Lalnghakthang, Gen. Secretary, RPCNEI a inthawk Pathien thucha ropui tak el ngaithlak a nih.

Hi hunser hmang huna hin Pi Roselyn Lalumpui le Tv. Joseph Pakhuongte ha'n inpakna hla mawi tak tak sakin mipui fekhawm hai an inawi.

Hi huna hin Mr. Alan Hmar, Defence Secretary& External Affairs, HPC(D) GHQ a inthawk le Pu Lalropui a sunghai hai a inthawk lawmthu hrilna hun an hmang a, Rev. Lalhmingthang Famhoite in hun khar tawngtaina a nei zoin hi hunser uop dinga ngainatu fekhawm haiin ruoi an kiltlang.

Don't Miss
© all rights reserved
made with by Simon L Infimate