~ Jami Darngawn
Exodus 10:23
Ni thum sûng chun tukhawm an um hmuna inthawkin an suok naw a; inhmu khawm an inhmutuo thei bawk nawh. Nisienlakhawm Israel thlahai popo chun an umnahaia chun var chu an nei seng a.
Awleh, nang le kei Pathien nau duot khawm hi ei inzinna khawvel a hin a chang chun suol Setan leiin harsatna le beidawngna inthim mup ei tuok chang um hlak a tih, sienkhawm Lalpa Pathien nau duothai ta ding chun inthim mup hnuoia khawm Lal lsu zarin varin a mi umpui zing a nih.
(Chu var chu Lalpa Pathien Thlarau Thienghlim a nih)
Ei inzinna khawvel hi nuom thua suoksan thei ei ni nawh a, nuom thu bawka um sawng thei khawm ei ni bawk nawh. Khawvel Siemtu le Neitu Pathienin a ti hun huna ei suoksanin ei maksan ding a nih. Chu lei chun ei inzin sung sawtnawte a hin Lalpa ditdana uma A thu zawm hi a ṭha tak a nih.
Vawituk ka zingtho Lalpa rawl ka hriet chu "I hmaa fe pei ka tih" ti a nih. Ani ngei, kei kuhi ka lo inhmaw thei taluoa Lalpa hmaa fe ka lo tum hlaka, a changchun ka lo taluo deu hlak a nih. Ama chun ei ṭhatna dingin iengkim Ami thaw pek hlak ti hriezing si'n ka lo inhmaw thei taluoa ka lo nghakzo ngai naw a nih.
Israelhai khawm Lalpa'n an hma A ṭhuoia sûn ah sûmin, zân ah meiin A ṭhuoipei ang bawkin. Nang le kei khawm Lalpa lsraelhai Pathien, ei Pathien chun Ami ṭhuoipei ding a nih.
LALPA'N ṬHUOIPEI RAW SEN CHE.
