Office of the
Hmar Students' Association
Churachandpur Joint Headquarter
LAWMPUINA THUCHA
(Tuithaphai,8 May 2019)
No./hsa-ccpur-jt.hqrs/8 May 2019: Hring zing Pathien iengkim chunga thuneitu,a nuom dan dan a reltu Isu Krista hmingin Hmar Students' Association Churachandpur Joint Headquarter chun Chibai a buk che/cheu.
Council of Higher Secondary Education Manipur (CoHSEM) chun kum 2019 a dinga Pawl 12 inchuklai hai tarik 8 Thlaphur 2019 nia Exam result a puong na a Hmar inchuklai naupang tamtak in hlawtlingna an chang a hmuin lawmum a ti in Lawmpuina thu inring takin a khek suok pui anih. Hlawtlingna chang po po hai an hmatieng a dingin ditsakna vouchuom an hlan nghal bawk anih.
Exam result puonga umna a Hlawtlingna chang hai a lawmpui ruol ruolin Hlawtlingna beisei ang lo chang phak lo an um a hrietin pawi ati in a tuor pui hle thung. Exam result beisei ang lo ninaw de sienkhawm lunghnuol loa tumruna le huoisenna neia mi dang hai hmu le nei thei chu neive thei dingin insuk pachanga inhuot kai ngei dingin fielna le chona a siem nghal bawk anih.
Mi Hlawtlingna le i Hlawsamna kha i hma hun suksietu ninaw hram sien ti chu HSA Ccpur JHQ chun a nuom takzet anih.
Chuelkhela,HSA CCpur JHQ Functional area sunga um Higher Secondary School um hai a, hieng a hnuoia anga result an hmu hai leiin a lawmpui takzetin Hieng neka nasa nawk zuola Inchukna in hai enkawlna sinthaw nawka,Inchuklai naupang tamtak siem puitling zawmtu ni pei dingin ditsak malsawmna an khum bawk anih.
1.Happy Heart Junior College - 95%
2.Rengkai Govt.Higher Sec.School - 25.69%
3.Sielmat Christian Higher Sec.School - 99.16%
4.Vision Academy - 86.11%
Hlawtlingna chang le Hlawtlingna chang lo hai hmatieng peia dingin HSA Ccpur JHQ chun ditsakna insangtak ân hlan che/cheu.
HSA ai-aw in
Ramneisang Faiheng
Info.and Publicity
Secretary
HSA CCpur JHQ.
