Sakawrdai, April 9, 2019, Virthli (ONP): Tulai hnaia HPC (D) sunga boruok um neu neu le inzawm in Pu L.T. Hmar Chairman, HPC (D) chun a hnuoia ang hin thusuok a siem.
----------------
Tulai hnai hin HPC(D) hminga thusuok le thuthang tum tum a uma, pawi ka ti khawp el. Chite tea pawl sunga thu inhmupaw nawna leia hieng thil hi hung inirsuok a ni leiin la zuk tosan hri el di’m a ni ka tia chu ziek meua thu tamtak a suok ta leiin hi hrilfiena le thusuok hi lotheiloa a ngai ta leiin rin tak pumin ka hung siem a nih.
Kum 2016 lai anthawka Mizoram sorkar le HPC(D) inbiekna fe tan nawk kha April 2, 2018 khan Inremna Thuthlung ziek a ni a, Hmar mipui duthusam chie ni naw sienkhawm chawllailawkna anga ngaiin HPC(D) Council chun a pawm a nih. Chu khawm chu Hmar Inpui inrawina hnuoia consultation hmun tum tumah vel tam nei hnung choin a nih.
Inremna thuthlungin a chawisa reng a ni leiin June 13, 2018 khan HPC(D) General Headquarter Council chu suspend a nih. Hi chawllailawk puongna thu hi mi tlawmtein a hrana thu an phierrukna rasuok anga intumna a um a, a ni nawh; April 2, 2018-a HPC(D) le Mizoram sorkar inremna thuthlung (Memorandum of Settlement) ang dungzui charin a nih. A ni dan ding taka lem chu HPC(D) hi a a bo a bang um loa suktawp (disband) tawp ding a nia chu inbiek tan hlim anthawk Mizoram sorkar khan HPC(D) hi Mizoramah a um ta naw khawmin Manipur le Assam-ah chu a la um zing a tul thu an mi hrietpui lei a nih. ‘HPC(D) silaiin Mizoram a tin zawn tanaw phawt chun’ ti kha nasataka changchawi le a vel a vela hril hrim a nih.
HPC(D) hi Manipurah UPF hnuoia umin SoO neiin political talk chen tlung a ni taa; state le central sorkar mihai kuomah khawm HPC(D) ngirhmun inhrilfie a ngai bawk leiin hi ‘suspension order’ hi insuo khawm a nih. Lungril le taksa sawl taka Inremna Palai sin mi thawpektuhai hming hmera intumna a um kha a pawi khawp el. HPC(D) Chairman (May 28, 2018-a Council Resolution in Chairman dingin a mi namdet) ka nina angin ngaidam kan hni. Diktak chun HPC(D) hi a sunga thawktuhai nekin a puo tienga mi tawiawmtu le kawng iengkima mi enkaitu Hmar Inpui le a hnuoia inkhai pawlhai le sun le zana mi tawngtaipektu Kohran nu le pa le mimal tinhai zara hieng chen fe mei mei a nih.
April 13, 2018-a Mizoram sorkar kuta insurrender mi 114 lai khan HPC(D) General Council Member le nina nei mi 3 (pathum) in surrender ve lo le thangsa ve lo an um. Anni hai chu, Pu Lalbeisei @Elvis, Vice-Chairman le Assam Regiona Chairman ni bawk, Pu Roger L. Zote @David, Information Secretary le Assam Region a General Secretary ni bawk le, Pu L. Sanga Hmar, Defence Secretary hai an nih. A hmasa tienga pahnihai hi Assam Region enkaitu bika um anni si leiin Council sukchawl sung poa lo enkaitu ding chun Pu L. Sanga Hmar kuta lotheiloin a thla a nih. Ama hi General Council Member, Manipur-a um sun a ni cho bakah sorkar le indawrna kawng iengkima mawphurtu le UPF-a HPC(D) palai nghet a nih. HPC(D) hi a region le state angzawnga fe a ni naw lai zingin 2013 laia Assam sorkar le ceasefire hung nei a ni khan ‘Assam Region’ hi a hung inirsuok a; Manipur le Mizoram tienga mi chu ‘region or headquarters’ ti um hran lovin HPC(D) tawp a nia; General Council-ah ruok chu Assam tienga mihai khawm an la thang zing.
HPC(D) General Council sukchawl a nina san dang pakhat nawk chu 'inremna in a rasuok', Sinlung Hills Council, ‘6 months interim period’ sunga thuoitu ding lai Council Member mi 5 (Pu Zosangber aia lak anaunu Melody tiemsa in) an lut vea, sorkar mi le sa an hung ni nghal ta leiin a 'Chawipawl Hotu' le ni kawp a remchang thei ta naw lei a nih.
HPC(D) Council sukchawl a nina san dang pakhat nawk chu inremna in a rasuok, Sinlung Hills Council ‘interim period’ sunga thuoitu ding lai Council Member mi 5 (Chairman Pu Zosangber a naunu Melody tiemsa in) kan thang vea, sorkar mi le sa kan hung ni nghal ta leiin a chawipawl hotu le ni kawp a remchang naw lei a nih.
Ei hriet seng angin ‘interim period’ sunga Council thuoituhai khan hma an hang lak tan dea chu sawtnawte sung ‘election code of conduct’ in a hung nangching hman leiin Mizoram sorkarin SHC ta dinga development schemes/packages a mi tiem Rs. 3.5 crores khom a sum laksuok hman a ni nawh a. Council Rules le Delimitation khom sukfel hman a ni naw bawk leiin lotheiloa interim period chu keisei a hung ngai a nih.
January 2019-a Mizoram sorkar tharin SHC ‘Interim Period’ pawtseia a thuoitu dinga a ruothai lai HPC(D) mi le sa a tam lem kan thang ta naw tho leiin Manipur tienga inlawia June 13, 2018-a HPC(D) Council sukchawla um chu sukhring nawka hma thar lak tan nawk dinga riruongna siem a ni zing lai SHC Planning Board-a dingin HPC(D) thuoituhai po an mi ruot nawk leiin ruohmanna hmasa chu thla 6 dang la bawzui lo ding danin a um nawk ta a nih. Council thara ka nina (post) hi a lien a chin thu hril lovin HPC(D) hminga suolsuok a ni leiin a tawp chena bawzuia thei ang anga thungchil chu ka mawphurna a ka ngai leiin hieng hi ei la ni a nih. Iengkhawm nisien, HPC(D) Council hi June 2019 or SHC election nei hma po chu suspend in a la um hrim hrim a ngai a nih. A suspend tu in a revoke nawk ding ti hriet bawk a tha. HPC(D) hi a hming ang hrimin ‘democratic’ taka inthuoiin ro le ranghai Council-in mumal takin a rel hlak a. Thuoitu tukhawm mania thlafal hla taluoa pawl le hnam hming sukhmelhem theitu dinga hmu chu cadre le leader khawm nisien Council member a tamlem remtina in an chunga action a lak hlak. Nina, mawphurna le hming inpeknahai khawm Council thuneina hnuoia mi vawng a ni bawk.
Rehabilitation pawisa ‘deduct’ chungchang khawmin hril a hlaw a, thilmak a ni nawh. Poisa sum hmu zat le hmangna iengkim ‘audit statement’ a felfai thei angtaka siem a nih. In surrender tawma tlangvalhai uniform, insingsatna le fe le hungna sengso po po kha mimal poisa puk fawma thaw a ni thu ruok chu hrilsei ngai naw raw se. Council ei hang ‘run’ tan a, sorkar tieng anthawk poisa ei la zuk hmu nghal el naw lei khan thla tina bahara uma hluo ding office ei bawl fawm a, furniture le thuomhnaw dang dang inthutna din ei lo bat chawp a, a hnungah ei reimburse nawk bawk a nih. Mani in lum bel hman loa ramsuokhai le Martyrs, a bikin Sinlung Hill Council area sunga mihai chu a suma ralna pek el khela a sin (works) le sorkar sin (employment) a hai ei inditsak tum a, thu le hla a zuk fel el nghal naw leiin ralna sum semna kawngah ei vuoicha met a nih. Laklaw thil leia pawl hminga lo pukhai khawm thung kim zo thawkhat a ni tah. Tuhin chu mumal takin Council khawm ei function thei mek a, ralna sumhai khawm Hmar Inpui account a transfer fel thawkhat a ni taa hun sawtnawte sung a hmu dinghai kuta a lut ngei ei beisei a nih.
Mizoram sorkar le inremnaa a thang angin, cadres hai sorkar sin a lien a chin ti um loin thei ang anga inthun dan ding lampui ngaituo zing a nia, chu ding chun Skill Development training le training chi tum tum sorkarah thangna nei dinga pawimaw hai chu buoipui le hma lak zing anih ti mipui hriet dingin ka hung hrilsa ni raw seh.
Thusuok siemtu,
(L.T.HMAR)
Chairman HPC(D) Gen. Hqrs.
----------------
HPC(D) CHAIRMAN THUSUOK
Camp; Sakawrdai, April 3, 2019
Tulai hnai hin HPC(D) hminga thusuok le thuthang tum tum a uma, pawi ka ti khawp el. Chite tea pawl sunga thu inhmupaw nawna leia hieng thil hi hung inirsuok a ni leiin la zuk tosan hri el di’m a ni ka tia chu ziek meua thu tamtak a suok ta leiin hi hrilfiena le thusuok hi lotheiloa a ngai ta leiin rin tak pumin ka hung siem a nih.
Kum 2016 lai anthawka Mizoram sorkar le HPC(D) inbiekna fe tan nawk kha April 2, 2018 khan Inremna Thuthlung ziek a ni a, Hmar mipui duthusam chie ni naw sienkhawm chawllailawkna anga ngaiin HPC(D) Council chun a pawm a nih. Chu khawm chu Hmar Inpui inrawina hnuoia consultation hmun tum tumah vel tam nei hnung choin a nih.
Inremna thuthlungin a chawisa reng a ni leiin June 13, 2018 khan HPC(D) General Headquarter Council chu suspend a nih. Hi chawllailawk puongna thu hi mi tlawmtein a hrana thu an phierrukna rasuok anga intumna a um a, a ni nawh; April 2, 2018-a HPC(D) le Mizoram sorkar inremna thuthlung (Memorandum of Settlement) ang dungzui charin a nih. A ni dan ding taka lem chu HPC(D) hi a a bo a bang um loa suktawp (disband) tawp ding a nia chu inbiek tan hlim anthawk Mizoram sorkar khan HPC(D) hi Mizoramah a um ta naw khawmin Manipur le Assam-ah chu a la um zing a tul thu an mi hrietpui lei a nih. ‘HPC(D) silaiin Mizoram a tin zawn tanaw phawt chun’ ti kha nasataka changchawi le a vel a vela hril hrim a nih.
HPC(D) hi Manipurah UPF hnuoia umin SoO neiin political talk chen tlung a ni taa; state le central sorkar mihai kuomah khawm HPC(D) ngirhmun inhrilfie a ngai bawk leiin hi ‘suspension order’ hi insuo khawm a nih. Lungril le taksa sawl taka Inremna Palai sin mi thawpektuhai hming hmera intumna a um kha a pawi khawp el. HPC(D) Chairman (May 28, 2018-a Council Resolution in Chairman dingin a mi namdet) ka nina angin ngaidam kan hni. Diktak chun HPC(D) hi a sunga thawktuhai nekin a puo tienga mi tawiawmtu le kawng iengkima mi enkaitu Hmar Inpui le a hnuoia inkhai pawlhai le sun le zana mi tawngtaipektu Kohran nu le pa le mimal tinhai zara hieng chen fe mei mei a nih.
April 13, 2018-a Mizoram sorkar kuta insurrender mi 114 lai khan HPC(D) General Council Member le nina nei mi 3 (pathum) in surrender ve lo le thangsa ve lo an um. Anni hai chu, Pu Lalbeisei @Elvis, Vice-Chairman le Assam Regiona Chairman ni bawk, Pu Roger L. Zote @David, Information Secretary le Assam Region a General Secretary ni bawk le, Pu L. Sanga Hmar, Defence Secretary hai an nih. A hmasa tienga pahnihai hi Assam Region enkaitu bika um anni si leiin Council sukchawl sung poa lo enkaitu ding chun Pu L. Sanga Hmar kuta lotheiloin a thla a nih. Ama hi General Council Member, Manipur-a um sun a ni cho bakah sorkar le indawrna kawng iengkima mawphurtu le UPF-a HPC(D) palai nghet a nih. HPC(D) hi a region le state angzawnga fe a ni naw lai zingin 2013 laia Assam sorkar le ceasefire hung nei a ni khan ‘Assam Region’ hi a hung inirsuok a; Manipur le Mizoram tienga mi chu ‘region or headquarters’ ti um hran lovin HPC(D) tawp a nia; General Council-ah ruok chu Assam tienga mihai khawm an la thang zing.
HPC(D) General Council sukchawl a nina san dang pakhat nawk chu 'inremna in a rasuok', Sinlung Hills Council, ‘6 months interim period’ sunga thuoitu ding lai Council Member mi 5 (Pu Zosangber aia lak anaunu Melody tiemsa in) an lut vea, sorkar mi le sa an hung ni nghal ta leiin a 'Chawipawl Hotu' le ni kawp a remchang thei ta naw lei a nih.
HPC(D) Council sukchawl a nina san dang pakhat nawk chu inremna in a rasuok, Sinlung Hills Council ‘interim period’ sunga thuoitu ding lai Council Member mi 5 (Chairman Pu Zosangber a naunu Melody tiemsa in) kan thang vea, sorkar mi le sa kan hung ni nghal ta leiin a chawipawl hotu le ni kawp a remchang naw lei a nih.
Ei hriet seng angin ‘interim period’ sunga Council thuoituhai khan hma an hang lak tan dea chu sawtnawte sung ‘election code of conduct’ in a hung nangching hman leiin Mizoram sorkarin SHC ta dinga development schemes/packages a mi tiem Rs. 3.5 crores khom a sum laksuok hman a ni nawh a. Council Rules le Delimitation khom sukfel hman a ni naw bawk leiin lotheiloa interim period chu keisei a hung ngai a nih.
January 2019-a Mizoram sorkar tharin SHC ‘Interim Period’ pawtseia a thuoitu dinga a ruothai lai HPC(D) mi le sa a tam lem kan thang ta naw tho leiin Manipur tienga inlawia June 13, 2018-a HPC(D) Council sukchawla um chu sukhring nawka hma thar lak tan nawk dinga riruongna siem a ni zing lai SHC Planning Board-a dingin HPC(D) thuoituhai po an mi ruot nawk leiin ruohmanna hmasa chu thla 6 dang la bawzui lo ding danin a um nawk ta a nih. Council thara ka nina (post) hi a lien a chin thu hril lovin HPC(D) hminga suolsuok a ni leiin a tawp chena bawzuia thei ang anga thungchil chu ka mawphurna a ka ngai leiin hieng hi ei la ni a nih. Iengkhawm nisien, HPC(D) Council hi June 2019 or SHC election nei hma po chu suspend in a la um hrim hrim a ngai a nih. A suspend tu in a revoke nawk ding ti hriet bawk a tha. HPC(D) hi a hming ang hrimin ‘democratic’ taka inthuoiin ro le ranghai Council-in mumal takin a rel hlak a. Thuoitu tukhawm mania thlafal hla taluoa pawl le hnam hming sukhmelhem theitu dinga hmu chu cadre le leader khawm nisien Council member a tamlem remtina in an chunga action a lak hlak. Nina, mawphurna le hming inpeknahai khawm Council thuneina hnuoia mi vawng a ni bawk.
Rehabilitation pawisa ‘deduct’ chungchang khawmin hril a hlaw a, thilmak a ni nawh. Poisa sum hmu zat le hmangna iengkim ‘audit statement’ a felfai thei angtaka siem a nih. In surrender tawma tlangvalhai uniform, insingsatna le fe le hungna sengso po po kha mimal poisa puk fawma thaw a ni thu ruok chu hrilsei ngai naw raw se. Council ei hang ‘run’ tan a, sorkar tieng anthawk poisa ei la zuk hmu nghal el naw lei khan thla tina bahara uma hluo ding office ei bawl fawm a, furniture le thuomhnaw dang dang inthutna din ei lo bat chawp a, a hnungah ei reimburse nawk bawk a nih. Mani in lum bel hman loa ramsuokhai le Martyrs, a bikin Sinlung Hill Council area sunga mihai chu a suma ralna pek el khela a sin (works) le sorkar sin (employment) a hai ei inditsak tum a, thu le hla a zuk fel el nghal naw leiin ralna sum semna kawngah ei vuoicha met a nih. Laklaw thil leia pawl hminga lo pukhai khawm thung kim zo thawkhat a ni tah. Tuhin chu mumal takin Council khawm ei function thei mek a, ralna sumhai khawm Hmar Inpui account a transfer fel thawkhat a ni taa hun sawtnawte sung a hmu dinghai kuta a lut ngei ei beisei a nih.
Mizoram sorkar le inremnaa a thang angin, cadres hai sorkar sin a lien a chin ti um loin thei ang anga inthun dan ding lampui ngaituo zing a nia, chu ding chun Skill Development training le training chi tum tum sorkarah thangna nei dinga pawimaw hai chu buoipui le hma lak zing anih ti mipui hriet dingin ka hung hrilsa ni raw seh.
Thusuok siemtu,
(L.T.HMAR)
Chairman HPC(D) Gen. Hqrs.
