~ Jami Darngawn
March 12, 2019 chun, ka naupa a naupang lem kum 9 mi chu sikul an chawl leiin "Nu nu, ka nute Mawii a um sie nawha buoi i tih ṭuong lo nawt sawk ka che" tiin kan ṭuong popo a lo nawta, ka naupa sinthaw chun ngaituona tam tak a mi pek chutie!
Ka naupa ṭuong nawt chu a fai bek bek nawa chu a theina popova a thaw a ni leiin lawm a um êm êma, a Nu ta ding chun lawm naw ruol an nawh. Ka lawm taluoa ka hnukin a mi ul hiel a nih.
Ka naupa ṭuong nawt ka en lai zinga ka lungrila thu hung um chuh "Nang khawm hieng ang hi i nih" ti a nih. Ani ngei kei khawm ka theina popovin Lalpa rawng chu ka bawl ve bawk niin kan hriet hlak, amiruokchu mihai nina/thawdan le kan khi pha ruok chun ka tlawm rawng rawng hlaka inzak/inphalam leiin thaw naw/insum ka lo tum hlak a nih. Vawisun ka naupa sinthaw a'nthawkin chona ti dim a nih or inchuk ding ka hmu thara lawm a um ema ka la hung suklang vak a nih. (Ama phalna ngeiin)
Vawisun bawk chun Krista zara ka unau/ruolṭha pakhatin a mi hung biek (call) khieta kei chun "Tulai i rawngbawlna iem i ang pei ?" ka tina a chun hieng hin a mi dawn "Camp sawng 22 kan zo chara tu khawm hin zantin rawngbawlna ka nei zing Lalpa zarin" a ti chuh. Ka ruolpa chu ka lawmpui ruol ruolin kei leh kan khi chun ka tla rawng rawng niin kan hriet a nih.
Amiruokchu, a chunga suklanga um angin Lalpa'n ei thei tawk seng a mi phut a ni leiin ei thaw thei ve sun hai chu ei theina popova ei thaw a ni chun Lalpa Pathienin mi lawm êm êm a tih ti chu ei hriet tasa nisien khawm ka la hung suklang a nih.
Marka 12: 30
LALPA i Pathien chu i lungvar popovin, i thlarau popovin, i lungril popovin, i hrâtna popovin i hmangai ding a nih.’ Hihi thupêk hmasatak chu a nih.
THEINA POPOVA RAWNGBAWL HI LALPA LAWMNA A NIH.
March 12, 2019 chun, ka naupa a naupang lem kum 9 mi chu sikul an chawl leiin "Nu nu, ka nute Mawii a um sie nawha buoi i tih ṭuong lo nawt sawk ka che" tiin kan ṭuong popo a lo nawta, ka naupa sinthaw chun ngaituona tam tak a mi pek chutie!
Ka naupa ṭuong nawt chu a fai bek bek nawa chu a theina popova a thaw a ni leiin lawm a um êm êma, a Nu ta ding chun lawm naw ruol an nawh. Ka lawm taluoa ka hnukin a mi ul hiel a nih.
Ka naupa ṭuong nawt ka en lai zinga ka lungrila thu hung um chuh "Nang khawm hieng ang hi i nih" ti a nih. Ani ngei kei khawm ka theina popovin Lalpa rawng chu ka bawl ve bawk niin kan hriet hlak, amiruokchu mihai nina/thawdan le kan khi pha ruok chun ka tlawm rawng rawng hlaka inzak/inphalam leiin thaw naw/insum ka lo tum hlak a nih. Vawisun ka naupa sinthaw a'nthawkin chona ti dim a nih or inchuk ding ka hmu thara lawm a um ema ka la hung suklang vak a nih. (Ama phalna ngeiin)
Vawisun bawk chun Krista zara ka unau/ruolṭha pakhatin a mi hung biek (call) khieta kei chun "Tulai i rawngbawlna iem i ang pei ?" ka tina a chun hieng hin a mi dawn "Camp sawng 22 kan zo chara tu khawm hin zantin rawngbawlna ka nei zing Lalpa zarin" a ti chuh. Ka ruolpa chu ka lawmpui ruol ruolin kei leh kan khi chun ka tla rawng rawng niin kan hriet a nih.
Amiruokchu, a chunga suklanga um angin Lalpa'n ei thei tawk seng a mi phut a ni leiin ei thaw thei ve sun hai chu ei theina popova ei thaw a ni chun Lalpa Pathienin mi lawm êm êm a tih ti chu ei hriet tasa nisien khawm ka la hung suklang a nih.
Marka 12: 30
LALPA i Pathien chu i lungvar popovin, i thlarau popovin, i lungril popovin, i hrâtna popovin i hmangai ding a nih.’ Hihi thupêk hmasatak chu a nih.
THEINA POPOVA RAWNGBAWL HI LALPA LAWMNA A NIH.
