Responsive Ad Slot

Inhrilfiena : Upa Lalthalien, Imphal

Friday, March 15, 2019

/ Published by Simon L Infimate
INHRILFIENA
15th March, 2019

Zanita LK Hmar in Press release ansuo a khan ka hming a chuong ve hiel lei khan a tiemtuhai hriet dingin hieng ahnuoia points hai hi ka hung hril fie a nih.

1. HPC (D) le Mizoram sawrkar inbiekremna lampui dapin theitawp suoin ka hun popo ka pek vea. Pathienin mipuihai tawngtaina dawnin inremna ziek theia ei um kha lawmum ka ti tak zet a. HPC (D) intanghai le case nei popo suktawp vawng ani kha lawmum ka ti a nih.

2. MoS dungzuia HPC (D) cadres 112 vel haiin rehabilitation cheng nuoithum seng an dawng kha ka lawmpuiin, an ruolhai Ralna dinga an chanvo anthawk phal taka an peksuok ti ka hrietin an inphalna ropui ka ti hlea. Semsuok ala ni naw thu hrila um ruokchu pawi ka tih. kei HPC (D) member kan naw leiin ka hrietpui ve nawh a, rehabilitation an sem laiin Mizorama ka um ve naw bawk leiin hi chungchanga hin hrietpuina ka nei naw ti ka puonga, ei tlangvalhai pawisa dawnga hin ka chanvo aum naw leiin tu kuta inthawk khawmin chengkhat khawm ka them ve naw ti ka puonga, cadres 112 hai kha ami hrepuitu an nih.

3. HPC (D) Mizoram Region sukbo thua inphirruokna um anga hril hi Mizoram Chief Secretary Pu Arvind Ray le HPC (D) Chairman Pu Zosangbera haiin Memorandum of Settlement an signed khan Mizoram Region chu Automatic a sukbo nghal a nih, a thuthlung khan, chule inzawmin cadres 112 hai khan anni nuom thu ngeiin surrender money nuoithum seng an dawng ani kha, kha huna HPC (D) Council member insurrender ve lo Manipura umsun L Sanga Hmar in an pawl fepei dan dinga thusuok a siemna dinga ami rawn tulna aum nawa, HPC (D) member kan naw bawk leiin ami rawn nawh ti ka puong. Hmar hnam sunga thukhel le ringvangthua intum intuo hin hmasawnna intlun naw nia, chuleiin hnam hmangaituhai hin thudik le inpumkhatna tha siem dingin thang la tlang seng lem ei tiu.

~ Upa Lalthalien, Imphal.


Don't Miss
© all rights reserved
made with by Simon L Infimate