Responsive Ad Slot

Exclusive Report: Hmar Inpui 10th Assembly -cum- General Election (2019-2022)

Tuesday, March 5, 2019

/ Published by Simon L Infimate
Tuiá¹­haphai/CCPur, March 5, 2019: Hmar Inpui (Hmar Supreme House), 10th Assembly -cum-
General Election (2019-2022), VTI Auditorium, Rengkai, Tuiá¹­haphai/Churachandpur (Manipur) a March 4-5, 2019 a nei a ni hun ah March 5, 2019 in Hmar Inpui, Gen. Hqrs. (2019-2022) Office Bearers' dingin hieng hai hi thlang an nih:-
President : Joseph R. Hmar (Elected), Vice President : J. Lalchhanhima (Elected), Gen. Secy. : Francis Songate (Uncontested) le Jt. Secy. : Richard Lalá¹­anpuia (Uncontested) a thlang an nih.


Secy. Finance le Treasurer hai ruokchu proposed a um hai an inhnuk dawk leiin sukfel thei loin an um a, President le Gen. Secy le thlang thar a um ha'n hi post cheltu ding la hung ngaituo dinga palai hai remtinain sie a nih. Hi hun a thlang a um hai po hi Rev. Dr. JL Songate in intiemkamna an nei tir a, an ta dinga Pathien kuoma á¹­awngá¹­ai pekna Rev. Dr. Vanlalnghakthang in a nei bawk.

President le Gen. Secy. post hi Hmar Inpui Constitution angin Nomination File a umin inthlangna hi nei a ni a, post dang hai po hi Floor Candidate system a inthlang a nih. Palai Voters 194 in secret ballot paper hmangin Election Commission/Hmar Christian Leaders' Forum (HCLF) inrawina hnuoia inthlangna hi nei a nih.

Hmar Inpui Constitution Chapter IV
Article 11 - Executive Committee,
Clause:
i)dungzuiin General Assembly-in Hmar Inpui Office Bearers dinga a thlanghai le, Office Bearers haiin Joint Secretary le Department Secretary ding an ruot mi 3 (pathum) ve ve hai le, Executive Committee member dinga an ruot mi 7 (pasari)-hai bakah, Committee/Sub-Committee member dinga an ruota Chairman/Convenor le Secretary hai chu Executive Committee niin Hmar Inpui á¹­huoi an tih.

Assemly hun ah Reports Pu Francis Songate, Hmar Inpui, General Secretary a’nthawk term fe liemtah sûnga activities tlangpui report felfaitaka ngaithlak niin Pu James Hrangchal, Secretary, Hmar Inpui, Mizoram Region a’nthawk activity, Pu Mangtinchung, Hmar Inpui, Meghalaya Region âiawin region activities, Pu Rosang Hrangchal, President, Hmar Inpui, NC Hills & Karbi-Anglong Region a’nth awk region activity report le Pu J. Ramlien, Joint Secretary, Hmar Inpui a’nthawk Jiribam Co-ordination Committee chungchâng  report ngaithlak a nih.

Hmar Inpui, 10th Assembly -cum- General Election (2019-2022) hun a Agenda le Resolutions hai chu hieng hai hi a nih:

Agenda-1: Hmar Welfare fund lût ṭhat lem dan ding. -HI, GHQ
Resolution: Hmar Inpui Welfare fund lâkkhâwm chungchânga harsatnahai hriltlangna nei a nia, Hmar Inpui, General Headquarter Finance Rules dungzuiin a hrat lema hmalâk nisien tia rêl a nih.

Agenda-2: Hmar Inpui office building chungthu. -HI, GHQ
Resolution: Hmar Inpui, General Headquarters building nei thei dan ding Hmar Inpui Executive Committee in hung bawzui sien ṭha ti ani a, (hi chungchâng a hin Office building hmun dinga a remchânga hriet a ni chun, Valpakot khuoa land donate thei ani ding thu Pu Lalramsiem, Village Authority member, Valpakawt in Inpui a'nhriettir a, Inpui a lâwm hle.)

Agenda-3: Hmar hnam puon hi mawphurtu bik fel taka ruot nisien.
-HWA, GHQ
Resolution: Hmar hnam puonhai chungchânga mawphurtu ding le a hmang dân chunga mawphurna Hmar Women Association, General Headquarter kuta sie remti a nia, a hmang dân dinga remruotna siem ani hnungin Hmar Inpui Executive ah approval lâk nisien tia rêl a nih.

Agenda-4: Hmar Inpui hnuoia ngei Hmar Customary Law amendment an rang thei anga thaw nisien. -HWA, GHQ
Resolution: Hmar Customary Law amendment dinga rawtna um chungchâng hriltlâng a nia, Hmar Customary Law tuta hmang mêk a um, Hmar Youth Association, General Headquarters in copy rights a nei hi, Hmar Inpui-a a custodian nina inhlân ta sien ti remti a nia, a ṭûl anga siemṭhat (amendment) ani vat theina dingin, Hmar Inpui Executive Committee in Hmar Youth Association, General Headquarters le inrâwnin hma hung la raw seh, tia rêl a nih.

Agenda-5: Pherzawl District a DC Office le Office dang dang hai an nina ang taka a function theina dingin Hmar Inpui-in hma la raw se. -HSA,GHQ
Resolution: Pherzawl District a Deputy Commissioner Office le Sub-Division 4 um hai hi a nina ding ang taka a function theina dingin Hmar Inpui hin hma lâk ni raw seh, tia rêl a nih.

Agenda-6: Hmar Inpui, GHQ hnuoia affiliated body chungthu. -HI, GHQ
Resolution: Hmar Inpui, General Headquarters affiliated body a pawm dinga Hmar Chief Federation ngênna hriltlângna nei a ni a, Executive Committee in ei Constitution hnuoia provision a um thei dân ding enin hung suizui raw seh, tia rêl a nih.

Agenda-7: Sikpuiruoi hi Hmar Inpui in kûtpui takin (Annual Festival) in puong sien, December ni 5 hi hnam pum huop dinga inruolkhai taka hmang nisien. -HSA, GHQ
Resolution: Sikpuiruoi hi Hmar Inpuiin Hmar umna taphawta December ni 5 a inruoltlang taka hmang hlak ani theina dingin hma hung la sien ṭha kan tih. Manipur Sawrkâr ah Hmar Inpui-in holiday a puong dingin hma hung la sien kan tih.

Agenda-8: Constitution amendment chungchâng
Resolution: Constitution amendment chungchâng hriltlâng a nia, Hmar Inpui Executive Committee in Review Committee a ṭûl anga indina hung bawzui dinga sie remti a nih.
ti hai a nih.

Agenda le Resolution-2na a suklang a um hi Pi Niengi, Chief of Valpakot, Tuiṭhaphai/Churachandpur a nih a, Hmar Inpui in ram (plot) a mamaw zie hriea Hmar Inpui, Gen. Hqrs. ram pek a tiem a nih. Hi thu a hin Hmar Inpui le Assembly palai hai le hnam mipui hai an lawm hle a nih. Chun, Hmar Inpui Ṭhuoitu thar hai le a hlui haiin charge inpektuona an nei hun ding chu hriet thei a la ni hri nawh. Thlang thar a um hai hi Hmar Inpui, Gen. Hqrs. a outgoing President Pu Joseph Lalrothang chun Hmar hnam an hung ṭhuoina ding kawng ah a ditsakna insangtak a'n hlan.

Report:
LRS Puruolte
Jt. Secy. (Information & Media i/c)
Hmar Inpui
(Hmar Supreme House)
General Headquarters
(2016-2019)
Don't Miss
© all rights reserved
made with by Simon L Infimate