Responsive Ad Slot

ISTV Hmar programme le inzawma thangpui ngenna

Sunday, March 3, 2019

/ Posted by Simon L Infimate
ṬHANGPUI NGENNA

Hmar Artists' Association General Headquarter inrawina hnuoia Hmar Artists' Association Imphal Joint Headquarter hmalaknain tarik 30 April, 2018 a inthawk khan Imphal phairuoma cable network lienpawl tak ISTV a chun Hmar hmingin programme lo ṭan a nih a. HAA Imphal Joint Headquarter hnuoia Hmar Channel Managing Board chun enkawlna sin a lo thaw a. Tarik 3 Dec, 2018 a inthawk khan ei unau Kuki channel hnuoia um dinga hnawlui ei ni a, ei pawm nuom naw leiin ei programme chu sukchawl lailawk (suspended) a lo nih. Inpui (Hmar Supreme House) a intlun niin, HSA GHqtr le HAA GHqtr hai inrawina in KNO (Kuki National Organisation) ṭhuoituhai le inbiekremin tarik 18 Feb,2019 a inthawk khan ei programme chu sunzawm nawk theiin ei um anih.

Chu le inzawm chun ISTV hotu hai le inbiekna angin ei programme chu channel puitling a hlangkai dinga inbiek ania. Chu ding chun a hranpa lieua Studio le Equipment ei nei a hung ṭul ta ani. Hi channel ei beiseina san chu ei hnam, ei Culture le Identity sukhmasawnna ding dam, chubaka ei thu le hla hai sukhmasawn ei nuom lei anih. Chun ei unau State dang danga um hai ta ding khawma hi channel hi en thei dingin internet fethlenga thawnsuok thei a hung ni ding bakah, ei unau khawvel hmun tina um hai lo thlir thei dingin YouTube fethlenga thawnsuok ei tum anih.

Hi thil hi a hlawtlingna ding chun, a chunga ei hung tarlang ta ang khin, thilṭul tamtak a uma. Chu thuomhnaw hai inchawk le keikhawmna ding chun sum tamtak a ṭul leiin, Imphal le Tuiṭhaphai phairuom a um hai chau hin kan tlin naw a nih ti inhrein, Unau hmuntin le ramtina um hai kuoma kutdawa, intlawmngaina hung hni chu inzakum le rinum titak pumin a hung ṭul ta anih.

Hi thil hi ei hnam HMAR ta dinga hmasawnna kalbi ani leiin inthlahrung tak pumin in ṭhangpuina le tlawmngaina ei hung inngen mawl mawl anih.

Hi thila kut hung rawl/ thilpek thaw dinga ei inngenna a hin bituk ei nei ngam nawh a, sienkhawm mani phaltawk le ngamtawk ei hung inngen el lem anih.

Chun kut hung rawl nuom hai tading chun hi a hnuoia Bank Account no. ei hung pek a hin iengtiklaikhawm thawn thei zing ani ti ei hung inhriettir bawk.

1. John Banyan
A/C No. 10929355218
IFSC : SBIN 0000092
2. Sanglien L. Inbuon
A/C No. 20416160736
IFSC : SBIN0011794
Chun cash a penuomtu hai tadingin Tuiṭhaphai le Imphal phairuoma, hieng a hnuoia hai kuta pek thei ana, receipt khawm pek pei ning in tih.

A. Tuiṭhaphai
1. Tv. Lrs. Puruolte
2. Tv. John L Varte ( Asst. Secry. HAA Gen. Hqtr)
B. Imphal
1. Tv. Joseph Infimate
2. Tv. Nathaniel Lalringsan Sielhnam

Ram le hnam ta dinga ṭhahnemngai hai iengtiklaikhawm lawmlut ei nih.


Sd/-
John Banyan Songate
President HAA Imphal Jt. Hqtr

Sd/-
Sanglien L.Inbuon
Chairman
Hmar Channel Managing Board

Sd/-
Abisai Traite
Secretary
Hmar Channel Managing Board


Don't Miss
© all rights reserved
made with by Simon L Infimate