Responsive Ad Slot

HPC (D) Thusuok: L. Sanga Hmar HPC (D) Manipur Region In-charge a nina hnawl

Thursday, March 14, 2019

/ Posted by Simon L Infimate

HPC(D) GHQ THUSUOK:
L. SANGA HMAR HPC(D) MANIPUR REGION INCHARGE A NINA HNAWL

GOVERNMENT OF HMARRAM
HMAR PEOPLE’S CONVENTION (DEMOCRATIC)
Serve the Nation
GENERAL HEADQUARTER: SINLUNG

HMAR MIPUI KUOMA THUPUONG
14th March, 2019

A hmasan khawvel hmuntina Hmar hnam tadinga hringna hiel inro loa lo inhlantu le hnam san dinga ke pen mektuhai po po inzana chibai kan buk cheu.

Hnam hmakhuo ngaina leia lungrila inrum zinga phurrik le harsatna kan i tuok po po ip ruollo kan hung puongzar na lei hin mi tukhawm lo chiai el loa thudik le indikna kengko ngam dingin ngenna kan hung siem hmasa a nih.

1. Mizoram a HPC(D) Arms Laying Down Ceremony 2018 le inzawma Cadre 63 hai kuoma inthawk Rehabilitation Package Rs 3 Lakhs an i dawnga inthawk a thi sungkuo hai ralna dinga Rs 80000/- seng (80000X63=5040000) Nuoi Sawmnga le Sing Li cut (sik thlak) a umin, Rs 15 Lakhs chu HPC(D) Manipur Region inti haiin ralthuom inchawkna in an hmang a. Rs 50,40000 - Rs 15, 00000 = Rs 48,90000 hi tu kuta thamral am ani a? Kan Aihnaphapui fam lo chang tahai thisen man le an sung le kuo maksan hai kut bentheka an um el hi pawi kan tiin kan laina takzet.

2. Pu L. Sanga Hmar in HPC(D) Manipur Region a enkawl (Incharge) a’nthawk Tuithaphai le Tipaimukh Biel-a inhma laia nekin Tax chungthu ah mipui an rawn intam hle a, Hmar Kohran Inzawmkhawm, Tipaimukh Biel mipui le Hmar Christian Leaders Forum hai mit a tlung tanawh. An tax khawn rawn leia buoina suok hai chu mipui a hretu vawng ei nih.

3. HPC(D) General Headquarter hnuoia inkhai ran lai le Council Member tamtak um zing lai le Council Member hai hrietpuina thang der loa, Dr John Pulamte, Upa Lalthalien, L.T Hmar @Lalthanglien le Lalthansang Pulamte @ L. Sanga Hmar hai pali thu phierrukna in tarik 24th July, 2018 khan L. Sanga Hmar hmingin HPC(D) General Headquarter hi thiek (disband) niin, L. Sanga Hmar hin HPC(D) General Council inkeihruoina lo um ta hai chu hnawlin, ama dictatorship-na hnuoiah tuta Manipur Region HPC(D) inti hai hi a hung awpde ta pei a nih.

4. Ei Unau ZRA/ZRO hai sungthu buoina ah Hmar Inpui GHQ in Executive Meeting a ngei tukhawm Hmar mi taphawt chuh Pawl le mimal inrawl lo dingin a rel lai zingin L. Sanga Hmar in HPC(D) Manipur Region Cadre hai an nuom le nuomnaw thu hril loin a thuneina hmangin a ruolpa Calvin H, Ex-Vice President, ZRA/ZRO In ah an duty tir hlak. Hi thil hin Hnam Sipai dinga inpe hai hringna iengmaloa ngaina le hnam zawrna ah kan ngai.

5. Churachandpur ADCC buoina le inzawmin Hmar haiin Chairmanship ni theina chance a um tiin hnam hmingin ei elected MDC hai chu Hmar Inpui GHQ kuta inthawk thuoisuokin in Camp puiin hma an lak a. Hnam hming (Hmar Chairmanship ding) hmanga MDC hai keidawka in Camp tir nisiin Lakh tlawmte’n Pu L. Sanga Hmar le Pu Lalditsang, MDC hai inthuhmuin hnam an zawr nawk lawi si leiin, Hmar hai chan chu Ar lungsie Sanghar lunglawm alo inchang pha ta a nih.

6. Tuta HPC(D) Manipur Region inti haiin an cadres recruitment an thaw mek le sawng hnina (2nd Batch) chen an thawna dinga tlangval a tamlem hai hi Hmarbiel mi an ni a, thla khat hnungah sawrkar le inbiekrem ani vak ta ding a, mi pakhatah cheng Rs 5 Lakhs (Nuoi nga) pei in dawng ding anih tiin an dawivet a. An naupang haiin thudik an hung hrietsuok chun tlanhmang an tum a, chu phing leh inthitheina hmangin iemanizat chu chelde mek zing an nih. Hienga dawiveta um mek cadres hai hi an rang thei ang taka an nu le pa haiin thuoikir dingin kan hung inhriettir a. Hi thu pawpsa loa kir nuomlo an um ani chun an chungah iengpo khawm tlung sienla, an ni’n maw phur an tih.

Ditthlangna hrim niloa hiengang ngirhmun ei hnamin hotu ditumlo tak, mani le mani nina insiem fawmtu (Pu L. Sanga Hmar) hi kan pawm nawh a, UPF a hnam aiaw alo ni na hlak Finance Secretary le JMG a a nina hi ban a nih. Chun, ama le ama a nina insiemfawmna hai po po hi hnamin kan hrietpui nawh. Keini hringna thap ngama lo inpehai hin enliem pei kan thei tanaw leiin, indikna hin ei hnam sungah ro a hung rel theina dingin HPC(D) General Headquarter chun hnam rawngbawlna sin chu a hung thaw pei ta ding ani leiin hnam hminga pawl sung le puotienga indawrna iengkimah keini hrietpuina thanglo chun pawm ni ta naw ni a, Hnam sunga tax (sie) an lakna po po hi tukhawma lo pe talo dingin Hmar mipui kan hung inhriettir cheu.

Thu nawk um hma poa HPC(D) General Headquarter mawphurna cheltuhai chu hieng ang hi an nih.

1. Mr L.K Hmar : Commander in Chief
2. Mr Thangsiem : Commander
3. Mr L.D Hmar : Commander
4. Mr Peka Hmar : Commander
5. Mr R. Lalbieklien : Commander

Portfolio chel ding hai chu sawtnawtea hung tlangzar vak ni nawk a tih.

Thusuok siemtu:

Sd/-
(L.K HMAR)
Commander in Chief
HPC(D) General Headquarters
Sinlung



Don't Miss
© all rights reserved
made with by Simon L Infimate