Responsive Ad Slot

Puitling Sunday Subject le inzawma Kohranhai kuoma Ngenna

Sunday, February 10, 2019

/ Posted by Simon L Infimate
KOHRANHAI KUOMA NGENNA

Sunday School Board, Hmar Christian Leaders’ Forum, hnuoia kum 2019 sûnga Puitling Sunday subject Lalhai Pahnina Inchûklai Bu chu tarik 05/12/2018 khan Rev. Dr. Lalhmuoklien, Vice Chairman, HCLF chun a lo tlângzarin Pathien kuomah a lo inhlân ta a. Chun, type/page setting thawnaah computer software hmang inang naw leiin a sûnga ei hawrawp hmang ṭhenkhat lo inthlâk danglam le lo siemhmai pal a um a. Abîktakin, phêk 9-na, para 2-a, tlar 1-naa ‘Greek mawnga’ ti le tlar 8-naa ‘Latin mawnga’ tia inziekhai kha ‘Grik ṭawnga’ ti le ‘Latin ṭawnga’ ziek ding lem a nih. Ei PSS Inchûklai bua ‘ṭ’ âwmtak ding ‘m’ a lo um palhai kha ‘ṭ’ in lo siem ṭha dingin kan hung ngên cheu.

A pawi ei ti takzet. A ziektu le proof reader-hai suksuol ni lovin type/page setting siemnaa hawrawp inthlâk danglam lo um hmuhmai pal a ni leiin Lalhai Pahnina Inchûklai Bu tiemtu le hmangtuha’n mi lo hrethiem dingin kan hung ngên. Hi Inchûklai Bu tiemtuhai po po malsâwmna tamtak dawng dingin Sunday School Board chun ditsakna ân hlân.


Hmar Christian Leaders’ Forum Sunday School Board



Don't Miss
© all rights reserved
made with by Simon L Infimate