~ Ramthienghlim Varte
India khawpui hieng Delhi, Guwahati, Imphal, Shillong le dang danga hin Sawrkar, Kohran le Organization tum tuma sinthawhai bakah lekha inchuk le fak le dawn awlsamna ngaituoa um ei tamve ta khawp el a. Thenkhat lem chuh in le lo neia khawsaa insukhlim khawp ei umve tah. Thlan muol chen khawm neiin Sietnia ei khawtlang inthuoidan khawm a mawiin a tha em em.
Amiruokchu, mi rama cheng, hnam dang le ei khawsak dan in ang lo hai le pan-sak panthlang inpawl nuoia mi inhluoa intep em ema khawsa dam ei ni tawl leiin khawvel hmasawnna inthlakdanglam ang peia ei intawiawm dan hi siemthat le thlak ngaia inlanghai hei tarlang ei tih.
THLAN CHO:
A tlangpuiin Khawpuia ei thlanmuolhai hi a hla thei khawp el a, a bul hnai deuva um hai ta ding khawmin kea fe ding chun a hla tho tho. Nunghak-tlangval a tam lem chu ni tina sikul/College kai, nisa suok zuia sumdawng/sinthaw, annawleh Ofis kai dam ei ni tawl bakah sin pawimaw zamsan theilo le ekzam laklaw dam a lo um thei bawk leiin duthusama ei fe khawm thei naw chang a um a. Thlan chova fe ha’n a fe naw hai engna lungril a um naw thei nawh. Chuleiin, tu ta ei fe dan hi dit naw lei ni lovin thurawn hiengang hin hei siemve sin inla.
1. Val upa/HYA hai inrawina hnuoi ah unau thenkhathai thawdan angin transport buotsaiin thlan cho dinghai innghakkhawmna hmun siema inlakhawm ve el hlak hi a remchang lem dim.
Annawleh,
2.Thlan cho fee In tina dawlin Val upa/HYA inrawina hnuoiah lawmman ding siem peka Tlangval mi sawm/sawmhni vel (an hunsung ding siem peka) ruot/ruoive el.
KHAWSAWT INLENG :
Mani Kohran mi le sa le sungkuo lainaha’n thina an lo tuok chun, tu hril ngai lovin mithi in ei pan nghal el. A puotieng mi deu an ni ruok chun a tlangpuiin ei lak zalin ei mawng a rik deu.
Hi khawm hih a chunga ei hril tah ang khin Thlan chova hlaw neia ruot bik nei nisien chuh mithi intienga nunghak-tlangval mawphurna hi var zang deu a tih. Zan ruok chuh Thalai zan ti naw po Nu le Pa chanah ei sie thei chun ei thalaihai a bikin inchuklaihai ta dingin a tha zuol. Mithi ruong um zan le a vui ni’n sunnithlak sin an chai hnung a, zana khawsawt inlenga an la chai nawk hin, an hun le tha el bakah, Nunghak-Tlangval nun zalenna suol hmangruoa inchangna khawm a ni thei hlak.
Tienlai chu sietni-thatni hi tlawmngai inkh¬ina taka lo hmang khah an hun tawng I zira khawtlang nun a ni el a. Ei ni khawpuia umhai tading ruok chun pasaltha, hnam le khawtlang sukmawitu chuh inchuknaa result tha, ofisar dinga inziek tling le mani sina mi neka thaw tha, ringumhai hi hnam le khawtlang chawimawina a ni ta lem a. Ei khawsak an sang dan zir peiin tlawmngaina khawm changkang lema insuo dan ei thiem pei a va tha awm de.
MITHI RAL :
Mithi ei nei chan¬ga ralna sum ei pek hi thilṭha tak a ni a, sunzawm pei ei tiu. Lusun sungkuo¬hai phur khawm a sukzang.
Hi khawm hi thaw dan ṭha lem a um. Hming hi ei inhrietseng zozai naw a, ei pek nuom zat Dakbawma thun a, ei address leh ziek dapa pek el. Chun,tulaia ei thilching dit um lo em em chu Mi mal, Local Committee, Thalai, Nuhmei pawl, Laibung, Farnu le Association dang dangin ralna uol-au zawnga mipui tam lai prawkram a inzel lut a, thiem le thiem lova thu hrilsa phet phet hi a nih. Ei thawding chuh hunvawngtu’n puong sien inhlan tawpel hi a hun tawk. Pathienin ei thawna san a hriet tho.
Chun, thil dang pakhat unau dang haiin an thaw ve lo, tuhai thi nia a umzie hre mumal mang lova ‘PU ZU le Lu inkawm¬tir hi bansan a ṭha. Pu¬haiin an tuhai an ral nuom a ni chun ni hrana an nuom leh ruoi chen khawm the hai sien.Tuhai Lu inkawmtir kher lem hi chuh Tawnlairang le puonte nuom ang ang inchawka inkawm tir el chi khawm an nawh. Thangsuo lukawm dum a hran lieu lieuva buotsai thangsuo pasalthahai chau inkawm tir a ni hlak.
Veng (Churachnadpur) ah ka hang suok zawk a, khawlaia ei ching dawk amani Thangsuo Puona tuom hi ei ching ta khawp el a. Hi Thangsuo Puon hungsuok dan ngaituo chun thaw chi lo tawp a nih.Thangsuohai chauh sil thieng a na, an hmang pawlawt ngai nawh. Ei Thangsuo Puon hi ei hmang pawlawt nasa ta bek bek a, umzie le hlutna reng reng a nei ta nawh.
VUINA HUNSER:
In neituhaiin a thi nu/pa chanchin an hril le Ruong inthlana thlamuongna thucha Pastor-in tawi fel taka a hril hi a hun tawk. Hmun hla tak tak le khaw dang danga inthawka fe khawm dam ei ni bakah thungna intep em em a thung dam ei ni tlangpui a, hun ser hmang hi thiem tum tang ei tiu. A tlaia ei tlai el hi chuh a tulai ta nawh.
THLANMUOL HUNSER
Khawpuia um hai ta ding chun Thlanmuola a hranpa taka Vuina hunser hmang nawk khawm hi sukdanglam met tulin an lang. Mi langsar deu le mi naranhai ruong thlanmuola inthla liemtu hih ei intlau thei ta luo. Pathien mit hmua ding khawmin a mawi nawh. Chuleiin, mipuiin thlan¬muola inthla hi a hranpaa hunser nei ta lovin in tienga vuiliemtu khan ei kohran seng doctrine besanin tawngtaina’n zo vawng el ta in la. Hi chuh ei Unau Paite, Imphala hai chun an lo thaw tah.(Source- J.Malsawm, Imphal).
(Ei khawtlang tlawmngaina ngaitha leia ziek an naw a, khawpuia cheng mi dang le inpawla khawsa ei ni leia thurawn le ngaidan thalem nei haiin an hung thawlawm/ziekve na ding dawkan ei buotsai a ni aw)
20 Sept.2017
India khawpui hieng Delhi, Guwahati, Imphal, Shillong le dang danga hin Sawrkar, Kohran le Organization tum tuma sinthawhai bakah lekha inchuk le fak le dawn awlsamna ngaituoa um ei tamve ta khawp el a. Thenkhat lem chuh in le lo neia khawsaa insukhlim khawp ei umve tah. Thlan muol chen khawm neiin Sietnia ei khawtlang inthuoidan khawm a mawiin a tha em em.
Amiruokchu, mi rama cheng, hnam dang le ei khawsak dan in ang lo hai le pan-sak panthlang inpawl nuoia mi inhluoa intep em ema khawsa dam ei ni tawl leiin khawvel hmasawnna inthlakdanglam ang peia ei intawiawm dan hi siemthat le thlak ngaia inlanghai hei tarlang ei tih.
THLAN CHO:
A tlangpuiin Khawpuia ei thlanmuolhai hi a hla thei khawp el a, a bul hnai deuva um hai ta ding khawmin kea fe ding chun a hla tho tho. Nunghak-tlangval a tam lem chu ni tina sikul/College kai, nisa suok zuia sumdawng/sinthaw, annawleh Ofis kai dam ei ni tawl bakah sin pawimaw zamsan theilo le ekzam laklaw dam a lo um thei bawk leiin duthusama ei fe khawm thei naw chang a um a. Thlan chova fe ha’n a fe naw hai engna lungril a um naw thei nawh. Chuleiin, tu ta ei fe dan hi dit naw lei ni lovin thurawn hiengang hin hei siemve sin inla.
1. Val upa/HYA hai inrawina hnuoi ah unau thenkhathai thawdan angin transport buotsaiin thlan cho dinghai innghakkhawmna hmun siema inlakhawm ve el hlak hi a remchang lem dim.
Annawleh,
2.Thlan cho fee In tina dawlin Val upa/HYA inrawina hnuoiah lawmman ding siem peka Tlangval mi sawm/sawmhni vel (an hunsung ding siem peka) ruot/ruoive el.
KHAWSAWT INLENG :
Mani Kohran mi le sa le sungkuo lainaha’n thina an lo tuok chun, tu hril ngai lovin mithi in ei pan nghal el. A puotieng mi deu an ni ruok chun a tlangpuiin ei lak zalin ei mawng a rik deu.
Hi khawm hih a chunga ei hril tah ang khin Thlan chova hlaw neia ruot bik nei nisien chuh mithi intienga nunghak-tlangval mawphurna hi var zang deu a tih. Zan ruok chuh Thalai zan ti naw po Nu le Pa chanah ei sie thei chun ei thalaihai a bikin inchuklaihai ta dingin a tha zuol. Mithi ruong um zan le a vui ni’n sunnithlak sin an chai hnung a, zana khawsawt inlenga an la chai nawk hin, an hun le tha el bakah, Nunghak-Tlangval nun zalenna suol hmangruoa inchangna khawm a ni thei hlak.
Tienlai chu sietni-thatni hi tlawmngai inkh¬ina taka lo hmang khah an hun tawng I zira khawtlang nun a ni el a. Ei ni khawpuia umhai tading ruok chun pasaltha, hnam le khawtlang sukmawitu chuh inchuknaa result tha, ofisar dinga inziek tling le mani sina mi neka thaw tha, ringumhai hi hnam le khawtlang chawimawina a ni ta lem a. Ei khawsak an sang dan zir peiin tlawmngaina khawm changkang lema insuo dan ei thiem pei a va tha awm de.
MITHI RAL :
Mithi ei nei chan¬ga ralna sum ei pek hi thilṭha tak a ni a, sunzawm pei ei tiu. Lusun sungkuo¬hai phur khawm a sukzang.
Hi khawm hi thaw dan ṭha lem a um. Hming hi ei inhrietseng zozai naw a, ei pek nuom zat Dakbawma thun a, ei address leh ziek dapa pek el. Chun,tulaia ei thilching dit um lo em em chu Mi mal, Local Committee, Thalai, Nuhmei pawl, Laibung, Farnu le Association dang dangin ralna uol-au zawnga mipui tam lai prawkram a inzel lut a, thiem le thiem lova thu hrilsa phet phet hi a nih. Ei thawding chuh hunvawngtu’n puong sien inhlan tawpel hi a hun tawk. Pathienin ei thawna san a hriet tho.
Chun, thil dang pakhat unau dang haiin an thaw ve lo, tuhai thi nia a umzie hre mumal mang lova ‘PU ZU le Lu inkawm¬tir hi bansan a ṭha. Pu¬haiin an tuhai an ral nuom a ni chun ni hrana an nuom leh ruoi chen khawm the hai sien.Tuhai Lu inkawmtir kher lem hi chuh Tawnlairang le puonte nuom ang ang inchawka inkawm tir el chi khawm an nawh. Thangsuo lukawm dum a hran lieu lieuva buotsai thangsuo pasalthahai chau inkawm tir a ni hlak.
Veng (Churachnadpur) ah ka hang suok zawk a, khawlaia ei ching dawk amani Thangsuo Puona tuom hi ei ching ta khawp el a. Hi Thangsuo Puon hungsuok dan ngaituo chun thaw chi lo tawp a nih.Thangsuohai chauh sil thieng a na, an hmang pawlawt ngai nawh. Ei Thangsuo Puon hi ei hmang pawlawt nasa ta bek bek a, umzie le hlutna reng reng a nei ta nawh.
VUINA HUNSER:
In neituhaiin a thi nu/pa chanchin an hril le Ruong inthlana thlamuongna thucha Pastor-in tawi fel taka a hril hi a hun tawk. Hmun hla tak tak le khaw dang danga inthawka fe khawm dam ei ni bakah thungna intep em em a thung dam ei ni tlangpui a, hun ser hmang hi thiem tum tang ei tiu. A tlaia ei tlai el hi chuh a tulai ta nawh.
THLANMUOL HUNSER
Khawpuia um hai ta ding chun Thlanmuola a hranpa taka Vuina hunser hmang nawk khawm hi sukdanglam met tulin an lang. Mi langsar deu le mi naranhai ruong thlanmuola inthla liemtu hih ei intlau thei ta luo. Pathien mit hmua ding khawmin a mawi nawh. Chuleiin, mipuiin thlan¬muola inthla hi a hranpaa hunser nei ta lovin in tienga vuiliemtu khan ei kohran seng doctrine besanin tawngtaina’n zo vawng el ta in la. Hi chuh ei Unau Paite, Imphala hai chun an lo thaw tah.(Source- J.Malsawm, Imphal).
(Ei khawtlang tlawmngaina ngaitha leia ziek an naw a, khawpuia cheng mi dang le inpawla khawsa ei ni leia thurawn le ngaidan thalem nei haiin an hung thawlawm/ziekve na ding dawkan ei buotsai a ni aw)
20 Sept.2017
