Responsive Ad Slot

Awareness - Cum - Voluntary Blood Donation program hlawtling taka huoihawt

Saturday, February 2, 2019

/ Posted by VIRTHLI HMAR
Imphal, February 02, 2019, Virthli (ONP): Hoinu Zote Foundation huoihawtna hnuoia Awareness - Cum - Voluntary Blood Donation Program chu vawisun khan Court Hall, Manipur University hmunah nei ani a. Hi huna hin Dr. Surjit Konsam, Medical Officer In-charge of Blood Bank, JNIMS chu Resource person-a fiel ani a, Blood Bank Team JNIMS hai leh hungin mi 100 chuong hi program-a hin an thang. Hi program hi District Health Society-in an sponsored ani a, anni aiawin Dr. Polly Nula, Nodal Officer-in a hung uop.

Awareness program zo charin blood donation hi tan nghal ani a, mi pawimaw tam tak hieng Prof Amar Yumnam; Vice Chancellor i/c, Registar i/c, FO i/c, Deputy Registrar le Manipur University hnuoia thawktu tam tak le students le volunteers haiin an pek bawk. Chanchin ei dawng danin mi 50 chuongin thisen an pek a nih.

Hoinu Zote Foundation hminga thilthaw hmasatak niin, a huoihawt tuhai chun hlawtlinga an in ngai hle. Jacob Lalnunthleng Pulamte, Spokesperson, Hoinu Zote Foundation chun hieng anga program huoihawt a hlawtlingna chu chitea inlang nisienkhawm mihai damna dinga tlawmngai takin thisen hung petuhai zar lieu lieu anih tiin a hril. Resource person, District Health Society Imphal East, Blood Bank Team JNIMS le tlawmngai pawl hai chunga lawmthu a hrilsa bawk. Thisen pe taphawt hai chu fak tha tak pek an nia, Certificate khawm inhlan ni bawk an tih.

Hoinu Zote hi Pu David K Zote, Registar i/c Manipur University a nuhmei ani a, ama hrietzingna dinga hi Foundation hi indin a nih.






Don't Miss
© all rights reserved
made with by Simon L Infimate