Responsive Ad Slot

SUOL CHU KHAWI NGAM DING AN NAWH

Sunday, January 27, 2019

/ Published by Simon L Infimate
~ Jami Darngawn

Pasal pakhat hi rama an vak suokna a chun thil mawi em em el a hmu a, ama khawm chun mawi le á¹­ha a ti em lei chun in ah a hawn/chawi tah a, chu a thil mawi em em chu rul tui a lo nih ti a hrietsuok tah a nih.

Amiruokchu, mawi le á¹­ha a ti em lei chun chu rul tui chu a la sieá¹­ha hram hram a, nikhat chu a siena ava en chun rulin a lo inte tah a, ama khawm chun chu rulte chu that el lovin a la hla/vai nawk ta deu deu a ni chuh !

An venghai chun chu mipa kuoma chun "I rul vai hi sukbo/that el rawh nakie i ta dingin á¹­ha naw nih" an ti pek hlaka, chu chu pa chun mi thuhril ngai lo chun chu rulte chu a la vai zing a nih. Nikhat chu rulte chu a hung lien tah a, a vaitupa chu a hung chuk el tah a, san hman lovin chu rul vaipa chu a thi tah a nih.

Awleh, hi thu a hin inchuk ding á¹­ha tak a um a, keima ngei khawmin ka lo á¹­angkaipui ta hlak leia ka hung suklang a nih.  Lalpa rawng ei bawlna le ei nitin khawsakna ei fakzawngna kawng a hin thilá¹­ha le thanaw chu ei tuok hlak ka ringa, kei khawmin ka tuok ve bawk hlak a nih.

Ei hringnun a hin a hlim a sawng a chun thilá¹­ha em em anga hung inlang, ei ni khawma á¹­ha le mawi ei ti em em el, amiruokchu a hung sawt deu deua ei ta dinga thilá¹­hanaw a hung ni ding ti chu ei hung hriet thei tah a nih. Amiruokchu, ei hriet lai zing khawmin ei dit em lei chun hrietnaw tehlem dam thawin ei um hlak, chu chu a pawi em em a nih.

Hun a hung fe peia ei mihriem chanpui chen hriet thei dingin a hung um tah a, amiruokchu ei  suk tawp/that phal lovin ei la sie/hla zing chun a tawpa chun ei taksa le thlarau ta ding chen khawma  harsatna/thina chen a min tlun thei zing a nih ti chu ei hriet a pawimaw bek bek a nih.

Suol ei nia hung insieng hi a chinlai/á¹­anhlimlai suk tawp/that vat hlak ding a nih. Chu chu Lalpa ditdan khawm a nih. Khawvela la um ei ni leiin suol chun nitin a mi bei zing ding ti chu ei hrietsa a nih.

LALPA LE CHUN IENGKIM EI THAW THEI A NIH.
Don't Miss
© all rights reserved
made with by Simon L Infimate