Responsive Ad Slot

Phulpui khuo-in D.R. Thuoma Memorial Trophy ropui takin an lawm

Tuesday, January 29, 2019

/ Posted by Simon L Infimate
Phulpui, Janauary 28, 2019, Virthli (ONP): Pherzawl District Sports Association (PDSA) in D.R. Thuoma Memorial Stadium, Patpuihmun, Vangai Range Sub-Divisional Headquarter, Pherzawl District a D.R. Thuoma Memorial Football Tournament a huoihawt hun a Champion Nopui dawmtu Ralngam FC Phulpui chun vawisun January 28, 2019 dar 11:30AM khan a khuo huopin ruoi ṭhe meuin Phulpui Playground-ah Trophy lawmna hunser puithu takin an hmang. Hun hmangna hi Pu Lalhmuoklien in a keiṭhuoia, Rev. Thangroliana, P/S, Vangai Presbytery ICI in hun hawng ṭawngṭaina anei a, Chief Guest- Pu L. Siemlien, Chairman, V/A, Phulpui a inthawk thu ngaithlak a nih. Hi huna hin Phulpui HYA han hnam lam inentirna hun an hmang a, Phulpui nunghak pawl hai khawma lam hmu nuom um tak el inentirna hun an nei. Hi huna hin Tv. Zohmingthang le Nk. Lalthanghnem han hla sakin mipui fekhawm hai an inawi. D.R. Thuoma Memorial Trophy lawmna hunser hmang huna hin Ralngam FC Phulpui le Phulpui YC han friendly match an nei a, umni kham in, a khuo huopin Vawk-1 le Bawng-1 thatin ruoi ropui tak el ṭhe a nih.  Hi hunser hi Virthli photographer Tv. muona Infimate khawma a va uop ve a nih.
Don't Miss
© all rights reserved
made with by Simon L Infimate