Patpuihmun, January 15, 2019, Virthli (ONP): Vawisun January 15, dar 11:00 AM khan Pherzawl District Sports’ Association (PDSA) huoihawtna hnuoiah D.R. Thuoma Memorial Stadium, Patpuihmun, Vangai Range Sub-Divisional Hqtrs., Pherzawl District-ah Vangai-Sumtuk Lal- D.R. Thuoma Memorial Football Tournament ropui takin ṭan a nih. Hun hmangna hi Pu Rohmingthang Ralsun in a keiṭhuoia, hun hawng ṭawngṭaina Pastor Lalchunglurin a nei zoin Patpuihmun HYA han wreath laying hunser an hmang a, hi huna mipui fekhawm hai le Patpuihmun khuoa khawtlang ṭhuoitu le organisation tum tum a ṭhuoitu han Vangai Sumtuk Lal- D. R. Thuoma an inpam zie le an inza zie inentirnain hunser bik ursun takin an hmang.
Hi huna hin Pu Lalvullien, President (PDSA)-in lawmlutna thucha hrilna a nei a, hi hunser hmang dinga hung khawm mipui hai le khuollien hai chungah a lawm thu a hril a, hi tournament sukpuitling a ni theina dinga hma latu- Pu Dr. Chaltonlien Amo, Hon’ble MLA , 55-Tipaimukh A/C chunga le hi tournament a ṭhang team/club 11 hai chungah lawmum a ti thu hrilin, Pherzawl district sunga ṭhalai le naupang hai sports tienga an thiemthil hai khawvel hrietlar khawpa chawilar an hung ni pei theina dinga hieng ang district level tournament hi an huoihawt a ni thu a hril. Hi hunser hmangna-ah hin Khuollien-in Pu Glory Wilson, Social worker le Tv. Obed Amo, s/o Pu Lalvulmawi Amo, Chief of Vangai-Sumtuk an ṭhang a, khuollien hai inthawkin thu ṭha tak tak ngaithlak a nih. Thu an hrilna a chun sports hi taksa el chau nilovin lungril sawizawina ding le hriselna dinga thil ṭha a ni thu hrilin, hawp le hmuom le inruithei chi hran hran hai hi sports leh an inkal hmak thu hrilin hi tournament sung hin players hai chu lungril lien tak puta, games spirit neia inkhel seng dingin players hai an infui a. Hi tournament hin a ball pet el chau nilova khuo hrang hrang a hung khawm players hai lai inlainatna, inthuruolna le inunauna ṭha lem intlun ngei sien ti an nuom thu an hril bawk.
Hi huna match official hai le players hai introduction-na nei a ni zoin khuollien Pu Glory Wilson, Social Worker in hi tournament hi kick-off na a nei a, 1st Match ah Patpuihmun (JFC) le Ngampabung Youth Club hai an intawk a, goal khat ve ve thunin first match hi 1-1 in an in draw a nih, 2nd Match ah Khangbawr Youth Club le Taithu Youth Club hai an inkhel a, hmu nuom a umin mipui mit a thlei hle, hun iemani chen inhne tawk taka an inkhel hnungin Khangbawr Youth Club chun Taithu Youth Club hai chu 3-0 a hneiin hratna an lo chang ta a nih. Hi tournament hi League system a ni a, team 11 an ṭhang a nih. January 26, 2019 hin final match nei a ni ding a nih.
Zinga hin dar 11:30AM ah Phulpui YC le Ankhasuo YC inkhel an ta, dar 12:45PM ah Patpuihmun (YDC) le Ralngam FC intawk an ta, dar 1:20PM ah Ngampabung YC le Tuisen FC inkhel an ta, dar 2:35PM ah Sartuinek YC le Khangbawr YC an intawk bawk dawng a nih. (Muona Infimate)
Hi huna hin Pu Lalvullien, President (PDSA)-in lawmlutna thucha hrilna a nei a, hi hunser hmang dinga hung khawm mipui hai le khuollien hai chungah a lawm thu a hril a, hi tournament sukpuitling a ni theina dinga hma latu- Pu Dr. Chaltonlien Amo, Hon’ble MLA , 55-Tipaimukh A/C chunga le hi tournament a ṭhang team/club 11 hai chungah lawmum a ti thu hrilin, Pherzawl district sunga ṭhalai le naupang hai sports tienga an thiemthil hai khawvel hrietlar khawpa chawilar an hung ni pei theina dinga hieng ang district level tournament hi an huoihawt a ni thu a hril. Hi hunser hmangna-ah hin Khuollien-in Pu Glory Wilson, Social worker le Tv. Obed Amo, s/o Pu Lalvulmawi Amo, Chief of Vangai-Sumtuk an ṭhang a, khuollien hai inthawkin thu ṭha tak tak ngaithlak a nih. Thu an hrilna a chun sports hi taksa el chau nilovin lungril sawizawina ding le hriselna dinga thil ṭha a ni thu hrilin, hawp le hmuom le inruithei chi hran hran hai hi sports leh an inkal hmak thu hrilin hi tournament sung hin players hai chu lungril lien tak puta, games spirit neia inkhel seng dingin players hai an infui a. Hi tournament hin a ball pet el chau nilova khuo hrang hrang a hung khawm players hai lai inlainatna, inthuruolna le inunauna ṭha lem intlun ngei sien ti an nuom thu an hril bawk.
Hi huna match official hai le players hai introduction-na nei a ni zoin khuollien Pu Glory Wilson, Social Worker in hi tournament hi kick-off na a nei a, 1st Match ah Patpuihmun (JFC) le Ngampabung Youth Club hai an intawk a, goal khat ve ve thunin first match hi 1-1 in an in draw a nih, 2nd Match ah Khangbawr Youth Club le Taithu Youth Club hai an inkhel a, hmu nuom a umin mipui mit a thlei hle, hun iemani chen inhne tawk taka an inkhel hnungin Khangbawr Youth Club chun Taithu Youth Club hai chu 3-0 a hneiin hratna an lo chang ta a nih. Hi tournament hi League system a ni a, team 11 an ṭhang a nih. January 26, 2019 hin final match nei a ni ding a nih.
Zinga hin dar 11:30AM ah Phulpui YC le Ankhasuo YC inkhel an ta, dar 12:45PM ah Patpuihmun (YDC) le Ralngam FC intawk an ta, dar 1:20PM ah Ngampabung YC le Tuisen FC inkhel an ta, dar 2:35PM ah Sartuinek YC le Khangbawr YC an intawk bawk dawng a nih. (Muona Infimate)
