Sikpuikawn, December 01, 2018, Virthli (ONP): Vawisun khan Manipur le Mizoram infepawna Sipuikawn (Manipur) le Luoksuo (Mizoram) inkâr a Tuivai leilâk (Suspension Bridge) hun iemani chena inthawka hraw thei mumal ta loa um chu HSA, Hmarram JHQ le YMA Tuisuoral Group, Mizoram thangruolin siemṭhatna sin an thaw. Hi tlangsin a ṭhang Hmarram le Mizoram tienga fekhawm hi mi 200 bawr vel an nih. Leilak hi mihriem hraw thei dinga siem zo a ni tah thu dawng a nih. Leilak siema um hi a sei dan chu 240 fet vela a ni a, chun a ṭuong lien dan chu 3 ft vel a nih. Tlangsin a ṭhang tlawmngai pawl hai fak ding ruoi inhnik tawk tak buotsai ani a, Tuivai vadung kam ah hlimtlang takin an kil tlang a nih. Hi Tuivai leilak siemṭhatna dinga sum hi mimal ṭhahnemngai tak tak hai i thawkhawm a nih.
