Hmarkhawlien, December 02, 2018, Virthli (ONP): Nk. Anjali (kum 26 vel) D/o Pi Hniengo, Hmarkhawlien ni 3 vel liemtaa a umna chin hriet ta lo chu zawng mek a nih. Zani (Dec. 01) sun dar 12 vel khan Hmarkhawlien Tuiruong kai thlang met Lakhipur Forest lai Vaihaiin nuhmei saruok ruong tuiin a hung len chu hnai tawk takin an lo hmua, video hai chen khawm lo lain, a ruong ruok chu kei dawk loin an lo en liem a nih. Vai haiin nuhmei ruong video an lo lak en chun ama ngei a nih ti ring ani leiin Hmarkhawlien Val Upa le HYA inrawina hnuoia tlawmngai nunghak le tlangval thahnem tawk takin tui chunga Lawnga zawng pawl le kai ah nasa takin zawngna sin an thaw mek a nih
