TUIṬHAPHAI/CCPUR Dec 19, 2018: Lungthulien buoina/Lungthulien le HPC-D
(Manipur Region) inkara inhrietthiemnawna um inremna siem a hung ni tah le
inzawma HPC-D (Manipur Region) thusuok, sawrkar le Hmar Inpui, GHQ hrietpuia thusuok
le document pawimaw hai chu hi a hnuoia ang hi a nih.
THUPUONG
December
19, 2018
Office
of the
HMAR
PEOPLES CONVENTION (DEMOCRATIC)
Serve the Nation
General Headquarter: Sinlung
December
18, 2018 chawhma dar 11:00 AM in Pherzawl District a Deputy Commissioner
inrawina hnuoiah Lungthulien khawtlang thuoitu le JAC palai, HPC-D (Manipur
Region) thuoitu, Hmar Inpui GHQ thuoitu, Pherzawl District a Addl. Dy.
Commissioner, SP, SDO (Parbung), 33 Assam Rifles le sawrkar tienga mi pawimaw
dang dang hai DTC Hall, Tuibuong, Churachandpur ah inbiektlangna nei a ni a. Hi
hun a hin Lungthulien a inhrietthiemnawna um chungchang tlang taka hriltlangna
le inhrilhrietna ngun taka nei a nih.
Lungthulien
a lungawinawna nei ha’n an lungawinawna hai tlang taka an hril le ngaithlak a
ni hnungin, mi dang dang fe khawm ha’n thu umdan indiktak le thu fedan ding an
hril a. Chu dungzui chun JAC Lungthulien-in HPC-D (Manipur Region) laka
sawiselna an siem hai po po (complaints) chu thil awmlo le indik tawk lo a nih
ti an inhrietchieng hnunga an hnukkir tah leiin iengkhawm hril thar nawk um
talo dingin inrem a ni tah. Chun, December 19, 2018 ni a Lungthulien khawtlangin
an suksuolna hai hrie a, a hranpa taka ngaidam inhnina thingpui khaia Hmar
Inpui, GHQ hrietpui ngeia ngaidam an inhnina chu HPC-D (Manipur Region)-in
pawmin a ngaidam a. A hnuoia ang hin mipui hriet dingin thupuong a siem zui
nghal:
1. Inbiekrem a ni tah leiin HPC-D
(Manipur Region) in Lungthulien khuomihai a khuokhirna le hnam hmelma-a a lo
puongna hai a hlip tah.
2.Lungthulien le inzawmin tukhawma
buoina suksuok nawk thei ding laka fimkhur a thudiklo/thuvuongva hril/social
media haia thedar lo dinga inhriettir le ngen an nih.
3. Inremna siema um dungzuiin
inremna thu bawsietuin a maw phur a tih.
4. Hmatienga hai Lungthulien
harsatna le thil hrietfie nuom dam a um a ni chun HPC-D (Manipur Region)
thuoituhai kuoma intlun/indawn ta hlak dinga inhriettir an nih. (Hi thil a ding
hin Contact Nos. khawm inpektuo a nih.)
5.Lungthulien mipuihai Krismas le
Kum Thar hlim le hlawtling taka hmang dingin HPC-D (Manipur Region) chun a
ditsakna insangtak an hlan.
Sd/-
( ALAN HMAR )
Secy.
External Affairs, HPC-D (Manipur Region)
Sd/-
(MICHAEL HMAR)
Secy.
Home, HPC-D (Manipur Region)
Sd/-
( JOSH HMAR)
Commander,
Town & Hmarram, Hmar Army/HPC-D (Manipur Region)
Our
Motto: “Hnam Rawngbawl (Serve the Nation)”
 |
| HPC(D) Manipur Region PR |
