Responsive Ad Slot

Hringchar (Silchar) a thiltlung: Police in suksuoltu hai an la man thei nawh! An tlanhmang nia hril

Friday, December 7, 2018

/ Posted by Simon L Infimate
Hringchar/Silchar, Mimtukthla (Dec.) 7, 2018:N ov. 24, 2018 ni a People for the Ethical Treatment of Animals (PETA) nia in hril ha'n Ui inchawk/Uisa zawr a intumna le inzawma Silchar hmun a Hmar mi nuhmei kut an thlak le suknawmnat thu chun mi tam tak lungril a sukna hle a, hi thiltlung lai video social media tum tum haia thedar a um entu tam tak chun an ngaithei naw a, hnam le hnam kar buoi thei ding ngirhmun a khawm hung umin a'nlang leiin Bengali hnam khawma hieng ang mihai an inthiem naw thu le pawi an ti thu, in hmangai taka um tlang ding ei nih ti hai an hril a, hieng suksuoltu hai dem a, an phutawk hremna pek tlak anni tak zet thu hril le Silchar ai an aw thei naw thu hrilin Silchar hming siet ding remti nawtu, Silchar a chenghai lai an kat nuk bawk.

Suksuoltu hai man dinga nawrna chu a nasa hle a. Khawvel kittin a'nthawk thuneituha'n suksuoltuhai man ngei dinga nawrna Social Media tum tum haiah inchat lovin a la femek. Inrawlna nei nia hril 3 laia pakhat chu Mixed Martial Arts Fighter (AIMMAA) member nia hril a ni bawk. Ama khawm hi thuneituha'n a member nina pei thla dinga ngenna a nasa hle. An hmelhai en ringawt chun mi pangngai tak tak le changkang ve tak a inlang anni tawl.

Social Media inlar ve tak el Virthli Online News Portal in hi taka suksuoltu hai Police ah FIR file khum anni tah thu a'nsuona a comment pakhat a chun FIR thelut ringawt hi a hun tawk naw a, FIR an thelut a bawzui um si loin kilkhatah file an sie hmawn zo a, uksak a ni tak tak ngai naw thu le Chuleiin hi mihriem nu (a bultumtutak a intum) chunga hin Action na taka lak ni ngei raw seh tia ngenna le khawvel kiltin a'nthawk man ngei dinga nawrna nasa tak um chu Dec. 6 zani zan khan dawnin DSP in IO dinga a ruot Police SI Hmar mi pakhat chun hi ang hin a hril.

Ani ngei... in ṭawngṭaina'n mi hung hrie ro, ka man ngei theina dingin... a lo sawt met a ni khawmin, asanchu tulai Panchayat election nei ding leiin kan buoi em em, Cachar chu in hriet. Anachu, ka promise cheu, hi election hi inzo phawt sien aw... Chun, ei man tum hai hi an lo tlanhmang vawng tah. Silchar a'nthawk nakie lai met khan (Dec. 6, 2018 zan) kan va zawnga chu an in umna haiah an lo um ta naw lein kan man thei ta naw a nih. Amiruokchu, khawlai state am a um ti chu kan hriet... Pathien hring neitu ei nih... lungngai naw ro... Police in lo man naw sienkhawm... ei Lalpa a um... Thuvar bung 28 chun... Misuol chu hnawt lo khawmin an tlan... ei Lalpa hi investigation officer ni mawl raw seh tia hrilin Pathien kuoma ṭawngṭaina haia san dinga ngenin... kan panchayat election ding ka buoi le pressure a tam bawk ka sawl ti chu nepte a nih aw... tiin a hrillangsa bawk.

Hi'ng laizing hin thuvuongva inleng vel a tam hle a, anni hai chengna Ambicapatty, Silchar hmuna pawl ṭhenkhat le Ward Commissioner chun Human Rights and Women Protection Cell hnuoiah an khawsak dan ritlona le inzawmin case filed ni tah anga hril le police kuta um anga hrilna a um hman bawk.

Thu dawngna pakhatin a hril nawk dan chun Police in an va zawnga. Pali chu notice an pek a, Election zo ah man anni ngei ring a um thu a hril. Complainant le witnesses statements lak zing niin notice an sem tah bakah preliminary sin an la thaw zo naw a, medical report khawm a la kim naw niin a hril bawk. Thudawngnain a hril pei dan a chun Vairuol chu accused hai in kawllai Police pali panga tir khawma an man an lo ti pei hlak a, tuhri hin chu Law & Order a sukbuoi thei a. Election tawm a la hei ni nawk bawk. Medical report a ṭul a, khawm chu conclusive report a ngai a. Chun, preliminary works thaw tak tak a ṭul thu le Bajrang Dal anni thu hai dam hril rik a ni a, Date 12 ah police in an man rip ding thu le zani khawm Police an va fe a, an in a hai an va hmu thu dawng a ni bawk.

Hi thil hi sukfel vat a ni naw vei chun Silchar vai phawt phawt chunga kut thlak nuomna lungril a nasa ta leiin thil ditum lo tak tlung thei zing ngirhmun ah boruok a um tah a, hun in hmatienga boruok ding chu hung hril pei tih.

Don't Miss
© all rights reserved
made with by Simon L Infimate