Muolhoi/Haflong, December 04,2018, Virthli (ONP): Vawizan dar 9:00PM khan Circuit House Haflong ah HPC (D) fethlengin Assam rama Hmar movement le inzawmin Pu Sum Ronghang, Minister, Hills Area Development, Mines & Minerals, Govt. of Assam chu hnam aiawin inhmupuina nei a nih. Hi huna palaia fehai chu John Mark Pena, President, HSA Assam Hills JHQ, Elbee Hmar, Secy., HWA, James Sellate Secy., HSA Assam Hills JHQ, Chawnghmunlur Varte, member, Peace Team le Lalchunghnung Faihriem, Adviser, HYA NC Hills & KA hai an ni a, Pu Sum Ronghang chu Assam rama Hmar mipuihai aiaw a Sikpui Chibai bukin Assam sawrkar in 5th December - Sikpui Ruoi Restricted Holiday a hung puongna thuah theitawpin lawmthu an hril.
Inbiekna an nei huna hin palai haiin sawrkar le H.P.C (D) in Cease-fire 30th November 2018 huna thla 6 dang keisei nawka um chu lawmum an ti thu an hril a, muongna le inremna tluontling a hung um vat theina dingin HPC (D) Assam Region Political Tripartite Talks fe mek chu hrat nawk zuola a fe theina dingin an rang thei anga riruong vat dinga an ngenna chu sangin,a theina ang angin hma hung la dingin palaihai a lo tiem. Inbiekna chu darkar chanve lai zet nei niin, Assam rama Hmar movement le inzawmin palai haiin Memorandum khawm an pek bawk.
Inbiekna an nei huna hin palai haiin sawrkar le H.P.C (D) in Cease-fire 30th November 2018 huna thla 6 dang keisei nawka um chu lawmum an ti thu an hril a, muongna le inremna tluontling a hung um vat theina dingin HPC (D) Assam Region Political Tripartite Talks fe mek chu hrat nawk zuola a fe theina dingin an rang thei anga riruong vat dinga an ngenna chu sangin,a theina ang angin hma hung la dingin palaihai a lo tiem. Inbiekna chu darkar chanve lai zet nei niin, Assam rama Hmar movement le inzawmin palai haiin Memorandum khawm an pek bawk.
