Huongveng, December 05, 2018, Virthli (ONP): Vawisun Sikpui Ruoi le inzawmin Huonveng HWA haiin Hmar puon thar an siem suok 'Vanlai Puon' (Sikpui hla a chuong) ti chu HWA Assam Region Gen. President Pi Niangi Hrangchal in tlangzarna a nei. Hi hun a hin HWA Assam Region Gen.Secretary Pi Hnemi Tuolor le HWA Muolhoi Unit, Huonveng Unit Member tamtakin an ṭawiawm. Hi puon mawihnai tak hin a neitu Hmar hnam lai hmun khuorin, chawisangin um mawl sien, hnam zierang mawi chungchuong hung chang pei dingin ei ditsak ngawi ngawi a nih.
